मुंबई : मुख्यमंत्री एकनाथ शिंदे आणि उपमुख्यमंत्री देवेंद्र फडणवीस यांच्या सरकारचा मंत्रिमंडळ विस्तार (Cabinet expansion) आज करण्यात आला. हा पहिल्या टप्प्यातील मंत्रिमंडळ विस्तार असून यात असलेला असमतोल दिसून येत आहे. राज्यातील अनेक जिल्ह्यांना मंत्रीपदे नसून काही जिल्ह्यांना तर तीन-तीन मंत्रीपदे आली आहेत. औरंगाबाद (Aurangabad) जिल्ह्याचाही यात समावेळ आहे, औरंगाबाद जिल्ह्याला तब्बल तीन मंत्रीपदे आली आहे. शिंदे फडणवीस सरकारच्या (Shinde Fadnavis government) या मंत्रिमंडळात भाजपातर्फे औरंगाबादमधील अतुल सावे यांना मंत्रिपद देण्यात आले आहे. तर शिंदे गटाकडून अब्दुल सत्तार आणि संदीपान भुमरे यांनाही मंत्रिपद देण्यात आले आहे. विशेष म्हणजे मंत्रिमंडळातील तीन मंत्र्यांवर घोटाळ्याचे आरोप आहेत. त्यामुळे विरोधकांकडून याला विरोध होणार असल्याची चर्चा सुरू झाली आहे. पाहू या, पाच मोठे मुद्दे…