Milk Price Hike: मुंबईकरांना मोठा झटका, प्रति लिटर दूधाचा दर चक्क पेट्रोलच्या पातळीला, सर्वसामान्यांनी कसं जगायचं?
Milk Price Hike: मुंबईकरांना आता मोठा झटका बसणार आहे, मुंबईत दूधाच्या किमतीत मोठी वाढ झाली आहे. आता महिन्याच्या सुरुवातीला सर्वसामन्यांना मोठा धक्का बसला आहे.
आज सप्टेंबर महिना सुरू झाला आहे आणि महिन्याच्या पहिल्याच दिवशी मुंबईकरांना महागाईचा मोठा फटका बसला आहे
१ सप्टेंबर २०२६ पासून मुंबईत म्हशीच्या दुधाच्या दरात प्रति लिटर तब्बल ९ रुपयांची वाढ करण्यात आली आहे.
परिणामी, डेअरी व्यावसायिकांसाठी दुधाचा घाऊक दर आता प्रति लिटर ९३ रुपयांवरून १०२ रुपयांपर्यंत वाढला आहे.
जेव्हा हे दूध स्थानिक विक्रेत्याकडून किंवा डेअरीकडून तुमच्या दारात पोहोचेल, तेव्हा त्याची किंमत प्रति लिटर ११० ते ११५ रुपयांपर्यंत पोहोचू शकते
दूधवाढीमागे पशुखाद्याच्या दरात २५% वाढ झाली आहे. गेल्या वर्षभरात दुभत्या जनावरांचे खाद्य, धान्य, तूर, हरभरा डाळ आणि मका यांच्या किमती २५ टक्क्यांपर्यंत वाढल्या आहेत.
इतकेच नाही, तर जनावरांच्या (म्हशींच्या) किमतीही वाढल्या आहेत. जनावरांकडून उत्तम प्रतीचे दूध खरेदी करण्याचा खर्चही तब्बल ६० ते ७० टक्क्यांनी वाढला आहे. आता पेट्रोलच्या दरात आणि एक लिटर दूधाच्या दरात फक्त ९ ते १० रुपयांचा फरक उरला आहे.
