CM Eknath Shinde: आपण तरी बेसावध राहू नका, सावधपणे पावले टाका, एकनाथ शिंदेंचं अभिनंदन करताना राज ठाकरेंचा सजगतेचा इशारा

मुंबईः एकनाथ शिंदे यांनी मुख्यमंत्री (Chief Miister Eknath Shinde) म्हणून शपथ घेतल्यानंतर त्यांच्यावर अभिनंदनाचा वर्षाव होत आहे. सोशल मीडियावरून (Social Media) मुख्यमंत्री एकनाथ शिंदे यांच्यावर असंख्य जणांनी त्यांचे अभिनंदन केले आहे. सोशल मीडियावरून नवनिर्वाचित मुख्यमंत्र्यांचे अभिनंदन होत असतानाच महाराष्ट्र नवनिर्माण सेना पक्षाचे प्रमुख राज ठाकरे (MNS Leader Raj Thackeray) यांनीही एकनाथ शिंदे यांचे अभिनंदन केले आहे, मात्र त्यामध्ये त्यांनी आपण तरी बेसावध राहू नका, सावधपणे पावले टाका असा इशाराही राज ठाकरे यांनी मुख्यमंत्री शिंदे यांना दिला आहे.

मनापासून अभिनंदन आणि इशाराही

सोशल मीडियावरून मुख्यमंत्री एकनाथ शिंदे यांचे शरद पवार यांनीही त्यांच्या या निवडीबद्दल अभिनंदन केले आहे. मात्र अजून त्यांच्यासोबत असलेल्या शिवसेनेकडून अजूनही कोणत्याही प्रकारचे त्यांचे अभिनंदन करण्यात आले मात्र मनसे प्रमुख राज ठाकरे यांनी एकनाथ शिंदे यांचे सोशल मीडियावरून अभिनंदन केले आहे, त्यामध्ये त्यांनी आपल्याला मनापासून आनंदही झाल्याचेही त्यांनी सांगितले आहे. मात्र त्यांनी आपल्या ट्विटमध्ये त्यांना का इशारा दिला आहे याचीच चर्चा होत आहे.

ट्विटची चर्चा

बंडखोरी नाट्यनंतर ज्या प्रकारे एकनाथ शिंदे यांना मुख्यमंत्री पद मिळाले आहे त्याबाबतही बोलताना त्यांनी एकनाथ शिंदे यांना एक प्रकारचा इशाराही दिला आहे. राज ठाकरे यांनी त्यांच्या ट्विटमध्ये नशिबाने तुम्हाला मुख्यमंत्री पदाची संधी मिळाली असली तरी ती तुम्ही स्वकर्तृत्वाने सिद्ध कराल अशी इच्छाही त्यांनी व्यक्त केली आहे. मुख्यमंत्री पदासाठी देवेंद्र फडणवीस यांच्या नावाची चर्चा होती, मात्र पत्रकार परिषदेत एकनाथ शिंदे यांच्या नावाची घोषणा झाल्यानंतर मात्र जोरदार चर्चा झाली. त्याचवेळी राज ठाकरे यांच्याही ट्विटची चर्चा झाली.

सावधपणे पावले टाका

राज ठाकरे यांनी त्यांचे अभिनंदन केले असले तरी त्यांना त्यांच्या ट्विटमधून एकनाथ शिंदे यांना इशारा देत त्यांना आपण बेसावध राहू नका सावधपणे पावले टाका असा इशाराही त्यांनी दिला आहे.