Manikrao Kokate : मोठी बातमी, मंत्री माणिकराव कोकाटे नॉट रिचेबल, कोणत्याही क्षणी होणार अटक?

मंत्री माणिकराव कोकाटे यांच्याविरोधात जिल्हा सत्र न्यायालयात अटक वॉरंट काढण्यासाठी अर्ज दाखल करण्यात आला आहे. काल जिल्हा सत्र न्यायालयाने दिलेल्या निकालानंतरही कोकाटे यांना अटक झाली नव्हती. यामुळे, राठोड नावाच्या व्यक्तीने तात्काळ अटक वॉरंट जारी करण्याची विनंती न्यायालयाला केली आहे. सूत्रांकडून मिळालेल्या माहितीनुसार, माणिकराव कोकाटे सध्या नॉट रिचेबल आहेत आणि त्यांनी अजित पवार यांची भेट घेतल्याची चर्चा आहे. नाशिक जिल्हा सत्र न्यायालयाने या अर्जावर निर्णय देण्यासाठी एक तासाचा अवधी घेतला आहे. त्यामुळे, पुढच्या एका तासात कोकाटे यांच्या अटकेबाबत चित्र स्पष्ट होण्याची शक्यता आहे. एकीकडे त्यांच्या अडचणी वाढत असताना, दुसरीकडे त्यांचे वकील नाशिक न्यायालयाच्या निर्णयाला स्थगिती मिळवण्यासाठी उच्च न्यायालयात जाण्याची तयारी करत आहेत.