हिवाळी अधिवेशनावर धडकणार 100 मोर्चे, ऐन थंडीत सरकारला घाम फुटणार?; विरोधकांनीही दंड थोपाटले

Shinde Government Winter Session in Nagpur : यंदाचं हिवाळी अधिवेशन वादळी होणार?... शिंदे सरकारच्या हिवाळी अधिवेशलाना उद्यापासून सुरूवात होणार आहे. या अधिवेशनात विविध मुद्द्यांवर चर्चा होणार आहे. या अधिवेशन काळात 100 मोर्चे विधिमंडळावर धडकणार आहेत. वाचा सविस्तर...

हिवाळी अधिवेशनावर धडकणार 100 मोर्चे, ऐन थंडीत सरकारला घाम फुटणार?; विरोधकांनीही दंड थोपाटले
Follow us
| Updated on: Dec 06, 2023 | 2:12 PM

गजानन उमाटे प्रतिनिधी – टीव्ही 9 मराठी, नागपूर | 06 डिसेंबर 2023 : शिंदे सरकारचं यंदाचं हिवाळी अधिवेशन उद्यापासून सुरु होणार आहे. त्यामुळे महाराष्ट्र सरकार नागपुरात मुक्कामी आहे. संत्रानगरीत उद्यापासून विधीमंडळाचं हिवाळी अधिवेशनाला सुरुवात होईल. सध्याच्या राज्यातील प्रश्नांना घेऊन हे अधिवेशन वादळी ठरण्याची शक्यता आहे. या अधिवेशनाच्या काळात विविध आंदोलनं होणार आहेत. जवळपास 100 मोर्चे विधिमंडळात धडकणार असल्याची माहिती आहे. यातच्या 45 पेक्षा जास्त मोर्चांना आतापर्यंत परवानगी देण्यात आली आहे. त्यामुळे सभागृहासह सभागृहाच्या बाहेरच्या आंदोलनांनी यंदाचं अधिवेशन गाजणार आहे.

कोणत्या मुद्द्यांवर चर्चा?

उद्यापासून सुरु होणाऱ्या हिवाळी अधिवेशनात अनेक मुद्दे चर्चिले जाण्याची शक्यता आहे. सध्या राज्यात गाजत असलेला मराठा आरक्षणाचा मुद्दा यंदाच्या अधिवेशनात चर्चेत येऊ शकतो. मराठा आरक्षणासोबतच ओबीसी आरक्षणाचा मुद्दाही विरोधक लावून धरू शकतात. काही दिवसांआधी राज्यात अवकाळी पाऊस झाला. यामुळे शेतीचं मोठं नुकसान झालं आहे. या नुकसानीची भरपाई, शेतकरी आत्महत्या, बेरोजगारी या मुद्द्यांवरुन सभागृहात खडाजंगी होण्याची शक्यता आहे.

संध्याकाळी चहापानाचा कार्यक्रम

थोड्याच वेळात मुख्यमंत्री एकनाथ शिंदे आणि उपमुख्यमंत्र्याचं नागपुरात आगमन होईल. पाच वाजता मुख्यमंत्र्यांच्या निवासस्थानी चहानापाच्या कार्यक्रमाचं आयोजन करण्यात आलं आहे. सरकार वतीने आयोजित करण्यात आलेल्या चहापानाच्या कार्यक्रमाला विरोधक हजेरी लावणार? की विरोधक बहिष्कार घालणार हे पाहणं महत्वाचं असेल. आज संध्याकाळी सहा वाजता मंत्रिमंडळाची बैठक होणार आहे. त्यानंतर मुख्यमंत्री एकनाथ शिंदे पत्रकार परिषद घेणार आहेत.

विरोधी पक्षांची बैठक

अधिवेशनात सरकारला घेरण्याची रणनिती ठरवण्यासाठी विरोधी पक्षांची बैठक होणार आहे. विरोधकांच्या बैठकीत विरोधीपक्ष नेते विजय वडेट्टीवार, अंबादास दानवे, अशोक चव्हाण, बाळासाहेब थोरात, जितेंद्र आव्हाड यासह प्रमुख नेते उपस्थित राहणार असल्याची माहिती आहे.

अधिवेशन काळात सुरक्षा व्यवस्था कशी असेल?

नागपूरचे पोलीस आयुक्त अमितेश कुमार यांनी या अधिवेशनासाठी कशी तयारी करण्यात आली आहे, याबाबत माहिती दिली. हिवाळी अधिवेशनादरम्यान नागपुरात चोख पोलीस बंदोबस्त असेल. हिवाळी अधिवेशनात सुरक्षेसाठी तब्बल 11 हजार पोलीस तैनात असणार आहेत. व्हीआयपी सुरक्षा ही पोलीसांची प्राथमिकता असेल. राज्य राखीव पोलीस दलाची तुकडी, दंगा नियंत्रण पथक देखील 24 तास तैनात असणार आहे, असं अमितेश कुमार यांनी सांगितलं आहे.

100 मोर्चे विधिमंडळावर धडकणार

नागपूर शहरातील वाहतूक सुरळीत ठेवण्याचे प्रयत्न प्रशासनाकडून करण्यात येत आहे. अधिवेशनावर जवळपास 100 मोर्चे धडकणार आहेत. आतापर्यंत 45 पेक्षा जास्त मोर्च्यांना आतापर्यंत परवानगी देण्यात आली आहे. मोर्चांवर वॅाच ठेवण्यासाठी सीसीटीव्ही, ड्रोन, मोबाईल सर्व्हिलंस व्हॅन तैनात असणार आहे. अधिवेशन काळात पोलीसांचं जेवण, निवास आणि आरोग्याची उत्तम व्यवस्था असेल, असंही अमितेश कुमार यांनी म्हटलं आहे.

Non Stop LIVE Update
मोदी नाहीतर शाह होणार PM? ठाकरेंवरील 'त्या' टीकेवर राऊतांच प्रत्युत्तर
मोदी नाहीतर शाह होणार PM? ठाकरेंवरील 'त्या' टीकेवर राऊतांच प्रत्युत्तर.
बापरे... अशी गारपीट तुम्ही कधी पहिलीये? 15 तासांनंतरही गारांचा खच तसाच
बापरे... अशी गारपीट तुम्ही कधी पहिलीये? 15 तासांनंतरही गारांचा खच तसाच.
ST स्टँड आहे की एअरपोर्ट....अजितदादांकडून कुठं उभारलंय भव्य बस स्थानक?
ST स्टँड आहे की एअरपोर्ट....अजितदादांकडून कुठं उभारलंय भव्य बस स्थानक?.
रणवीर सिंगला अलिबागची भुरळ! क्रिकेट खेळत केली चौके-छक्यांची बरसात
रणवीर सिंगला अलिबागची भुरळ! क्रिकेट खेळत केली चौके-छक्यांची बरसात.
चव्हाण भाजपात अजगराएवढे मोठे होतात का?, भाजप खासदाराची तुफान टोलेबाजी
चव्हाण भाजपात अजगराएवढे मोठे होतात का?, भाजप खासदाराची तुफान टोलेबाजी.
भाजप खासदाराची बहिण काँग्रेसच्या वाटेवर? लोकसभा निवडणूक लढण्यास इच्छुक
भाजप खासदाराची बहिण काँग्रेसच्या वाटेवर? लोकसभा निवडणूक लढण्यास इच्छुक.
मनसेचे वसंत मोरे पुन्हा नाराज? शरद पवारांच्या सोबतच्या भेटीच कारण काय?
मनसेचे वसंत मोरे पुन्हा नाराज? शरद पवारांच्या सोबतच्या भेटीच कारण काय?.
कुणामागे कोण? आरोपांमुळे खळबळ तर शरद पवार- टोपेंकडे फडणवीस यांचं बोट?
कुणामागे कोण? आरोपांमुळे खळबळ तर शरद पवार- टोपेंकडे फडणवीस यांचं बोट?.
मनोज जरांगे पाटील यांना अटक होणार? SIT च्या फेऱ्यात मराठ्यांचं आंदोलन
मनोज जरांगे पाटील यांना अटक होणार? SIT च्या फेऱ्यात मराठ्यांचं आंदोलन.
गौतमी पाटील हिला भाजप तिकीट देणार? सुषमा अंधारेंनी कुणावर डागली तोफ?
गौतमी पाटील हिला भाजप तिकीट देणार? सुषमा अंधारेंनी कुणावर डागली तोफ?.