कोरोनाच्या तिसऱ्या लाटेचा धोका, मॉल्स बंद, दुकानं 4 वाजेपर्यंत सुरु, सोमवारपासून नागपुरात नवे निर्बंध
महाराष्ट्रात अनलॉक केल्यानंतर काही शहरांमध्ये कोरोनाबाधितांची संख्या पुन्हा हळूहळू वाढू लागली आहे. याशिवाय कोरोनाच्या डेल्टा प्लस या व्हेरिएंट्सचा धोकादेखील वाढताना दिसत आहे.
नागपूर : महाराष्ट्रात अनलॉक केल्यानंतर काही शहरांमध्ये कोरोनाबाधितांची संख्या पुन्हा हळूहळू वाढू लागली आहे. याशिवाय कोरोनाच्या डेल्टा प्लस या व्हेरिएंट्सचा धोकादेखील वाढताना दिसत आहे. त्यामुळे प्रशासन आणि सरकार पुन्हा एकदा बॅकफूटवर आलं आहे. त्यामुळे सोमवारपासून नागपुरात नवीन निर्बंध लागू करण्याचा निर्णय प्रशासनाने घेतला आहे. सोमवारपासून नागरपुरात सर्व दुकाने दुपारी चार वाजेपर्यंत सुरू ठेवता येणार, मॉल्स मात्र बंद राहणार आहेत. (Nagpur District collector Ravindra Thackeray declare new restriction amid corona pandemic third wave)
कोरोनाच्या तिसऱ्या लाटेचा धोका लक्षात घेता आणि राज्यात काही ठिकाणी कोरोनाच्या डेल्टा प्लस व्हेरियंट चे रुग्ण आढळून आल्यानंतर राज्यात अनेक ठिकाणी निर्बंध कठोर करण्यात आलेले आहेत. त्यानुसारच राज्याची उपराजधानी असलेल्या नागपूरमध्ये जिल्हाधिकारी रवींद्र ठाकरे यांनी नवे निर्बंध लागू केले आहेत. हे निर्बंध सोमवार 28 जून ते 5 जुलैपर्यंत लागू राहणार आहेत.
नवे निर्बंध
- सर्व दुकाने दुपारी चार वाजेपर्यंत खुली राहणार
- मॉल्स बंद
- हॉटेल आणि रेस्टॉरंट 50 टक्के क्षमतेने दुपारी चार वाजेपर्यंत खुली राहणार
- लग्नकार्य 50% क्षमतेने किंवा पन्नास लोकांमध्येच करता येणार
- जिम, सलून, स्पा दुपारी चार वाजेपर्यंत खुले राहणार
- अंतयात्रेला केवळ 20 लोकांना परवानगी असणार
- स्विमिंग पूल बंद असणार
नागपुरात गेल्या आठ दिवसांपासून रुग्णसंख्या आणि मृत्यूचे प्रमाण कमी असले तरी कोरोनाच्या तिसऱ्या लाटेचा संभाव्य धोका लक्षात घेता आणि राज्यात काही ठिकाणी आढळून आलेल्या डेल्टा प्लस व्हेरीएंटचे रुग्ण यामुळेच जिल्हा प्रशासनाने निर्बंध अधिक कडक करण्याचा निर्णय घेतला आहे.
कोव्हिड डेल्टा प्लस व्हेरीएंट व तिसऱ्या संभाव्य लाटेची शक्यता लक्षात घेऊन राज्य शासनाच्या निर्देशाप्रमाणे स्थानिक स्तरावरही निर्बंध बदलण्यात आले आहेत. राज्य शासनाच्या निर्देशानुसार नागपूर महानगरपालिकेतर्फे आदेश जारी करण्यात आले आहेत. सोमवार 28 जूनपासून शहरात सदर आदेश लागू राहतील pic.twitter.com/fgSv6lJPKH
— Nagpur Municipal Corporation (@ngpnmc) June 26, 2021
दरम्यान, आज दिवसभरात नागपूर शहरात 11 नव्या कोरोनाबाधित रुग्णांची नोंद झाली आहे. तर 46 जण बरे होऊन घरी परतले आहेत. नागपुरात सध्या 544 कोरोनाबाधित रुग्ण उपचार घेत आहेत.
#CoronaAlert: Nagpur city’s status till June 25, midnight.
नागपूर महापालिका क्षेत्रातील कोरोना रुग्णांची स्थिती. ही आकडेवारी २५ जून २०२१ च्या रात्री १२ वाजतापर्यंतची आहे.#NMC #NagpurFightsCorona #WarAgainstVirus #Nagpur #नागपूर pic.twitter.com/WUpCCuDUlJ
— Nagpur Municipal Corporation (@ngpnmc) June 26, 2021
इतर बातम्या
नागपुरात कोरोना लसीकरणाला तुफान प्रतिसाद, एकाच दिवसात तब्बल 42 हजार नागरिकांचे लसीकरण
(Nagpur District collector Ravindra Thackeray declare new restriction amid corona pandemic third wave)