मृतदेहासोबत लग्न करून आयुष्यभर सासरी राहण्याची शपथ घेणाऱ्या आंचलच्या जीवाला धोका, थेट धक्कादायक खुलासा..

नांदेडचा सक्षम ताटे याला थेट गोळ्या झाडून प्रेयसी आंचल मामीडवार हिच्या वडिलांनी आणि भावाने ठार केले. सक्षमची हत्या केल्याची कोणत्याही कल्पना आंचल हिला नव्हती. तिला जसेही समजले की, आपल्या प्रेम संबंधाबद्दल कळताच सक्षमची हत्या आपल्या कुटुंबियांनी केली, तशीच धाव आंचल हिने सक्षमच्या घरी घेतली. सक्षमची आई पोलिस स्टेशनमध्ये दिसताच आंचल मामीडवार त्यांना पकडून रडली. यासोबतच आयुष्यभर तुमचा मुलगा म्हणून तुमच्या घरी राहिल आणि काळजी घेईल, असे तिने म्हटले. त्यानंतर आंचल मामीडवार हिने थेट सक्षम ताटे याच्या मृतदेहासोबत लग्न केले. हळद लावून घेतली. या घटनेची देशभरात चर्चा रंगली. कारण आंचल ही पहिली प्रेयसी असेल जिने आपल्या प्रियकराच्या निधनानंतर त्याच्या मृतदेहासोबत लग्न करून आयुष्यभर त्याची विधवा म्हणून राहण्याची शपथ घेतली. आंचल ही आपल्या आई-वडील आणि भावांना शिक्षा देण्याची मागणीही त्यावेळी करताना दिसली.

आंचल मामीडवार हिने साडेतीन महिन्यापूर्वीच सक्षम ताटे याचे घर सोडले. त्यानंतर सर्वांनाच धक्का बसला. आयुष्यभर तुमच्या घरी राहून तुमची काळजी घेईल, अशी म्हणण्याची आंचल काही महिन्यातच आपल्या आई वडिलांच्या घरी परतली. यादरम्यान तिने सक्षमच्या लहाना भाऊ याच्यावर आरोप केले. तो आपल्यासोबत चुकीचे वागत होता आणि अनेकदा त्याने चुकीचे स्पर्श केल्याचे तिने म्हटले.

यानंतर सक्षम ताटे याच्या आईनेही काही आरोप केले. आंचल हिने केलेल आरोप सापपणे खोटे असल्याचे त्यांनी म्हटले. तिला वाटले ती तिच्या मनाने आली आणि ती तिच्या मनाने परत गेली. तिच्या मनात नक्की काय होते, हे आम्हाला माहिती नसल्याचे त्यांनी म्हटले. यादरम्यानच आता एका न्यूज चॅनलवर बोलताना आंचल मामीडवार हिने धक्कादायक खुसाला केला.

आंचल मामीडवार हिने म्हटले की, माझ्या जिवाला धोका आहे. सक्षम ताटे याच्या दोन ते तीन मित्रांकडून मला जिवे मारण्याची धमकी दिले जाते. याबाबत मी पोलिसांना माहिती दिली आहे. आंचल मामीडवार हिने केलेल्या आरोपाने खळबळ उडाली. आंचल मामीडवार हिने सक्षमच्या भावावर आरोप करत पोलिसांच्या परवानगीने त्याचे घर सोडले. तिचे आई वडील जेलमध्ये असून ती तिच्या लहान्याभावासोबत आई वडिलांच्या घरी राहते.