मृतदेहासोबत लग्न करून आयुष्यभर सासरी राहण्याची शपथ घेणारी आंचल गेली घरातून निघून, सासऱ्याचा मृत्यू, सासूने थेट..

नांदेडच्या सक्षम ताटे याची प्रेम प्रकरणातून थेट गोळ्या झाडून आणि फरशी डोक्यात घालून हत्या करण्यात आली. या घटनेने राज्यात खळबळ उडाली होती. सक्षम ताटे याची प्रेयसी आंचल मामीडवार हिच्या वडिलांनी आणि भावांनी सक्षमची हत्या केली. आंचल मामीडवार आणि सक्षम यांच्यात प्रेमसंबंध होते. सक्षम आणि आंचलचे भाऊ मित्रच होते, त्यामुळे आंचल मामीडवार हिच्या घरी सक्षम येत जात असत. आंचल मामीडवार हिच्या कुटुंबियांना या दोघांच्या प्रेमसंबंधांबद्दल कळताच त्यांनी सक्षमचा काटा काढला. मात्र, त्यानंतरही आंचल मामीडवार हिने हार मानली नाही आणि थेट सक्षमच्या मृत्यूनंतर तिने त्याच्या मृतदेहासोबत लग्न केले. आंचल मामीडवार हिने सक्षमच्या मृत्यूनंतर त्याच्या नावाची हळद लावत लग्न केले. ज्या घटनेची चर्चा देशभरात झाली.

आयुष्यभर सक्षमच्या कुटुंबासोबत राहण्याची आणि सक्षमची बायको म्हणून राहणार असल्याची शपथ तिने घेतली. मात्र, आयुष्यभरसोबत राहणार अशी शपथ सक्षमच्या मृतदेहाजवळ घेणारी आंचल मामीडवार काही महिन्यातच सक्षमच्या कुटुंबाला सोडून निघून गेली. सक्षमच्या जाण्याने त्याच्या वडिलांना इतका जास्त धक्का बसला की, त्यांचाही काही महिन्यांपूर्वी मृत्यू झाला. आता सक्षमची आई एकटीच कुटुंबात आहे.

सक्षमची आई संगीता ताटे यांनी एका वृत्तपत्राला मुलाखत दिली. या मुलाखतीमध्ये बोलताना त्यांनी म्हटले की, ज्यावेळी सक्षमची हत्या झाली त्यावेळी तिने मला म्हटले होते की, मम्मी सक्षमची जागा मी घेईल, आता आजपासून तुमचा मुलगा मीच आहे. तुमच्यासोबत राहिल, तुमची काळजी घेईल. ती साडेतीन महिने आमच्यासोबत राहिली. आजीची तब्येत खूप जास्त खराब आहे, मला तिला भेटायला जायचे आहे म्हणून तिने सांगितले.

मी तिला तिच्या घरी सोडवायला गेले. पण त्यानंतर ती परत आलीच नाही. ती तिच्या काकांच्या संपर्कात होती. ती कोणाला बोलायची, ती काय करायची? यावर आम्ही कधीच बंधन तिच्यावर ठेवले नाही. ती घरातून गेली आणि आता परत आलीच नाही. सध्या आंचलसोबत कोणताही संपर्क नाही, असेही सक्षमच्या आईने म्हटले.