Nashik : 18 तास बॉडी घरातच ठेवली, त्यानंतर कसारा घाटात फेकली, बॉयफ्रेंडचा भयानक अंत, पोलिसांनी कसा लावला प्रकरणाचा छडा!

Nashik : नाशिक येथून एक धक्कादायक बातमी समोर येत आहे. लिव्ह-इन रिलेशनशिपमध्ये राहणाऱ्या बॉयफ्रेंडची, गर्लफ्रेंडने मित्राच्या मदतीने हत्या केली आहे. ही भयानक घटना समोर आल्यानंतर सर्वत्र खळबळ उजाली आाहे. मिळालेल्या माहितीनुसार, गर्लफ्रेंडने मित्राच्या मदतीने घरातच बॉयफ्रेंडची गळा चिरुन हत्या केली. वसंत गोरखनाथ सातपुते असं चाळीस वर्षीय मृत व्यक्तीचे नाव आहे. संशयितांनी सातपुते यांची हत्या केल्यानंतर मृतदेह तब्बल 18 तास घरातच ठेवला. त्यानंतर कारमधून घेऊन जात असताना कसारा घाटात फेकला…

मन सुन्न करणारी गोष्ट म्हणजे, सातपुते यांचा मृतदेह फेकल्यानंतर संशयित व्यक्ती मुंबईत फिरले आणि त्यांनी रक्ताचे डाग देखील पुसले. याप्रकरणी कोणताही गुन्हा दाखल झालेला नसताना, पोलिसांनी गुप्त माहितीच्या आधारावर गुन्हा उघडकीस आणला. मिळालेल्या माहितीनुसार, संशयित हसिना शेख, तिचा मित्र साहिल शहा आणि साथीदारांनी कारमधून मृतदेह नेल्याची गुप्त माहिती पोलिसांना मिळाली होती.

त्यानंतर पोलिसांनी मोठी कारवाई केली. मिळालेल्या माहितीच्या आधारे पोलिसांनी कसारा घाटात शोध घेतला. त्यानंतर मृत व्यक्तीची ओळख पटविण्याचं काम पोलिसांनी सुरू केलं असता तो वसंत गोरखनाथ सातपुते असल्याचे स्पष्ट झालं. पोलिसांनी केलेल्या कारवाईनंतर हसिना शेख आणि मित्र साहिल शहा दोघांना अटक करण्यात आली आहे.

समोर येत असलेल्या माहितीनुसार, मृत सातपुते सतत हसिना यांचे पैसे चोरायचा आणि मद्यपान देखील करायचा. एवढंच नाही तर, त्याला जुगाराचं देखील व्यसन असल्याचा संशय व्यक्त करण्यात येत आहेय. याच कारणामुळे दोघांमध्ये सतत वाद व्हायचे… सातपुते मारहाण शिवीगाळही करत असल्याने हसीना त्रस्त झाली होती, त्यामुळे मित्राच्या मदतीने सातपुतेचा काटा काढल्याचं सांगितलं जात आहे. सध्या याप्रकरणी पोलीस अधिक चौकशी करत आहेत.

याप्रकरणी पोलिसांनी हसीना शेख, साहिल शहा आणि मोईन शहा यांना पोलिसांनी ताब्यात घेतले आहे. पोलीस आता संशयितांनी नेमकी हत्या कशी केली, हत्या का केली आणि यामध्ये किती जणांचा सहभाग आहे… अशा सर्व पैलूंची चौकशी करत आहेत.