Nashik Accident | नाशिक-औरंगाबाद रोडवर स्कूल बस-छोटा हत्तीचा अपघात, 2 गंभीर जखमी, विद्यार्थी सुखरूप

नाशिक अपघात

Image Credit source: tv9 marathi

नाशिकः नाशिक ते औरंगाबाद (Nashik-Aurangabad) राज्य महामार्गावर स्कूल बस आणि छोटा हत्ती वाहनाची समोरासमोर धडक (Accident) झाल्याने विचित्र अपघात झाला. अपघात एवढा भीषण होता की स्कूल बसला (School Bus) धडकलेल्या वाहनाचा चक्काचूर झाला. या घटनेत दोघे जण गंभीर जखमी झाले असून त्यांच्यावर उपचार सुरु आहे. सुदैवाने शाळकरी विद्यार्थी सुखरूप आहेत. या अपघामातासाठी रस्ते दुरुस्ती करणाऱ्या कंत्राटदाराला दोषी ठरवण्यात आलं आहे. सार्वजनिक बांधकाम विभागाच्या ठेकेदाराच्या बेफिकिर कारभारामुळे हा अपघात घडल्याचे स्थानिकांचे म्हणणे आहे. येवला तालुक्यातील देशमाने शिवारात ही घटना घडली. पोलीस या प्रकरणाचा अधिक तपास करत आहेत.

कसा घडला अपघात?

या घटनेविषयी प्राथमिक माहितीनुसार, येवला तालुक्यातील ममदापूर येथून संतोष लहानू लांडगे हा शेतकरी आपला कांदा MH 15 ck 8920 या छोटा हत्ती वाहनातून लासलगाव कृषी उत्पन्न बाजार समितीचे उप बाजार आवार असलेल्या विंचूर येथे विक्रीसाठी घेऊन येत होता. तर एस एन डी महाविद्यालयाची MH 15 AK 902 स्कूल बस ही येवल्याच्या दिशेने येत होती. यावेळी नाशिक- औरंगाबाद मार्गावर काही ठिकाणी झेब्रा क्रॉसिंग तर काही ठिकाणी साईट पट्ट्या मारण्याचे काम सुरू आहे. येवला तालुक्यातील देशमाने शिवारात एकेरी वाहतूक सार्वजनिक बांधकाम विभागाच्या ठेकेदाराने केली होती. याबाबत वाहनचालकांना कुठलेही निर्देश देण्यासाठी ठेकेदाराने कर्मचारी नियुक्त केले नसल्यामुळे कांद्याने भरलेले छोटा हत्ती वाहन तसेच स्कूल बस समोरासमोर आल्यामुळे जोरदार धडक झाली..

वाहनांचे नुकसान, दोघे जखमी

या धडकेत दोन्ही वाहनाचे मोठे नुकसान झाले आहे. या अपघाताची माहिती लासलगाव पोलिसांना मिळताच पोलीस उपनिरीक्षक आदिनाथ कोठुळे सह कर्मचारी घटनास्थळी हजर झाले अपघातातील जखमींना लासलगाव येथील खाजगी रुग्णालयात उपचारासाठी दाखल केले आहे छोटा हत्ती वाहनातील शेतकरी वाहनचालक संतोष लहाने लांडगे यांच्या पायाला गंभीर दुखापत झाली आहे स्कूल बस मधील चालकासह विद्यार्थी सुखरूप आहे सार्वजनिक बांधकाम विभागाच्या ठेकेदाराच्या हलगर्जीपणामुळे हा अपघात झाल्याचे बोलले जात आहेत या ठेकेदारावर कठोर कारवाई करण्याची मागणी होते