सलीम कुत्ता अन् बडगुजर यांच्या पार्टीतील सत्य समोर, तो व्हिडिओ…

चंदन पुजाधिकारी, नाशिक, दि.21 डिसेंबर | मुंबई बॉम्बस्फोटातील आरोपी सलीम कुत्ता चर्चेत आला आहे. नितेश राणे याने सलीम कुत्ता आणि नाशिक ठाकरे गटाचे महानगरप्रमुख सुधाकर बडगुजर यांच्यात झालेल्या पार्टीचा गौप्यस्फोट विधानसभेत केले. त्यानंतर या प्रकरणाची एसआयटी चौकशी करण्याची घोषणा गृहमंत्री देवेंद्र फडणवीस यांनी सभागृहात केली. राज्यात आरोप-प्रत्यारोपाचे राजकारण सुरू झाले आहे. या प्रकरणी सुधाकर बडगुजर यांची कसून चौकशी नाशिक पोलिसांनी सुरु केली आहे. या चौकशीतून अनेक धक्कादायक गोष्टी समोर आल्या आहेत. आता त्या व्हायरल व्हिडिओमधील सत्यही समोर आले आहे. पार्टीतील ‘त्या’ व्हडियोत दिसणारे फार्म हाऊस सुधाकर बडगुजर यांच्या नातेवाईकांचे असल्याचे स्पष्ट झाले आहे.

फार्म हाऊस सुधाकर बडगुजर यांच्या नातेवाईकांचे

नाशिक पोलिसांनी सुधाकर बडगुजर याची सलग सहाव्या दिवशी चौकशी केली. या चौकशीत पार्टीतील ते फार्म हाऊस कोणाचे आहे? यासंदर्भात प्रश्न विचारण्यात आला आहे. त्यानंतर तपासात धक्कादायक माहिती समोर आली. नाशिकमधील आडगाव परिसरातील हिंदुस्थानानगरमध्ये असलेल्या फार्म हाऊसमध्ये सलीम कुत्ता आणि सुधाकर बडगुजर यांची पार्टी झाली. हे फार्म हाऊस सुधाकर बडगुजर यांच्या नातेवाईकांचे असल्याचे चौकशीतून समोर आले आहे. यामुळे सुधाकर बडगुजर याच्या अडचणी वाढणार आहेत. पोलिसांनी सुधाकर बडगुजर यांची तब्बल दोन तास चौकशी केली. त्या चौकशीत अनेक बाबी उघड झाल्या आहेत.

18 संशयितांची आता पर्यंत चौकशी

सुधाकर बडगुजर यांची बुधावारी सलग सहाव्या दिवशी चौकशी झाली. त्यानंतर गुरुवारी देखील चौकशी होणार आहे. या प्रकरणात आतापर्यंत 18 संशयितांची चौकशी करण्यात आली. आता नाशिक पोलीस घेणार सलीम कुत्ता याचा ताबा घेणार आहे. सलीम कुत्ताचा ताबा घेण्याची कायदेशीर प्रक्रिया पोलिसांनी सुरू केली आहे. पोलीस आयुक्तालयाकडून कायदेशीर प्रक्रिया सुरु करण्यात आली आहे. बडगुजर यांच्या नातेवाईकांच्या घरी पार्टी कुणी दिली? या ठिकाणी सलीम कुत्ता याला कोणी बोलवले? आदी प्रश्नांनी उत्तरे पोलीस सलीम कुत्ताकडून घेण्याची शक्यता आहे.