दादा, तुमची उणीव भासतेय… धनंजय मुंडे यांना अश्रू अनावर,अजित पवारांच्या जयंतीनिमित्त नेत्यांकडून आदरांजली

Dhananjay Munde on Ajit Pawar: आज राज्याचे दिवंगत उपमुख्यमंत्री अजित पवार यांची जयंती आहे. त्यांच्या जयंतीनिमित्त राज्यभरातून राष्ट्रवादीचे नेते, शासकीय आणि सामाजिक पातळीवर आदरांजली वाहिली जात आहे. 28 जानेवारी 2026 रोजी बारामती धावपट्टीजवळ विमान अपघातात त्यांचा मृत्यू झाला. त्यांच्या अकाली एक्झिटमुळे पक्षासह अनेक नेत्यांना मोठा हादरा बसला. महाराष्ट्र हळहळला. आज त्यांच्या जयंतीनिमित्त नेत्यांना अश्रू अनावर झाले. अनेकांनी त्यांच्या भावनेला अश्रूतून वाट मोकळी करून दिली. माजी मंत्री धनंजय मुंडे यांना सुद्धा आज आदरांजली वाहताना हुंदका आवरला नाही. त्यांनी सोशल मीडियावर एक भावनिक पोस्टही केली. यावेळी अनेक नेत्यांनी त्यांना आदरांजली वाहिली.

धनंजय मुंडे यांना अश्रू अनावर

धनंजय मुंडे यांनी अजितदादांना आदरांजली वाहिली. त्यावेळी त्यांना अश्रू अनावर झाले. त्यांचा कंठ दाटून आला. त्यांना हुंदका आवरता आला नाही. रुमालाने डोळे पुसत त्यांनी स्वतःला सावरण्याचा प्रयत्न केला. आज अनेक नेत्यांनी अजितदादांना आदरांजली वाहिली. दादांच्या अकाली एक्झिटमुळे अनेक नेत्यांना मोठी पोकळी जाणवत आहेत. त्यांच्या आठवणी जागवताना अनेकांना अश्रू अनावर झाले.

सोशल मीडियावर धनंजय मुंडे यांची पोस्ट

दादा, आपल्या जन्मदिनाला जयंती म्हणावी लागेल, ही कल्पना स्वप्नात सुद्धा येत नाही, तसा विचार अजूनही मनाला शिवत नाही. नियतीने ही वाईट आणि अजब वेळ का आणली असेल, याचं उत्तर शोधतोय. तुम्ही सोबतीला नाहीत, पण तुमची जाणीव आहे सोबतीला, ती जाणीव प्रेरणा देत राहील जनसेवेची आणि कर्तव्यनिष्ठेची… प्रथम जयंतीनिमित्त कृतज्ञतापूर्वक आदरांजली दादा, अशा शब्दात धनंजय मुंडे यांनी त्यांच्या भावनांना वाट मोकळी करून दिली.

दादा…

आपल्या जन्मदिनाला जयंती म्हणावी लागेल, ही कल्पना स्वप्नात सुद्धा येत नाही, तसा विचार अजूनही मनाला शिवत नाही. नियतीने ही वाईट आणि अजब वेळ का आणली असेल, याचं उत्तर शोधतोय. तुम्ही सोबतीला नाहीत, पण तुमची जाणीव आहे सोबतीला, ती जाणीव प्रेरणा देत राहील जनसेवेची आणि… pic.twitter.com/TUIx6PLObc

— Dhananjay Munde (@dhananjay_munde) July 22, 2026

शासकीय व राजकीय आदरांजली

राज्य सरकारने 22 जुलै हा दिवस अधिकृतपणे अजितदादांचा जयंती दिन म्हणून घोषित केला आहे. शासकीय कार्यक्रमांच्या यादीत या जयंतीचा समावेश करण्यात आला आहे. मंत्रालयासह राज्यातील सर्व शासकीय, निमशासकीय कार्यालयात, शाळा, महाविद्यालयांमध्ये दादांना आदरांजली वाहण्यात येत आहे. उपमुख्यमंत्री सुनेत्रा पवार आणि कुटुंबियांनी, राज्यातील प्रमुख नेत्यांनी बारामती येथील स्मृतीस्थळावर आणि विमान अपघाताच्या ठिकाणी जाऊन भावपूर्ण आदरांजली वाहिली.