Pune crime : पुण्याच्या सिंहगड रस्त्यावरच्या अवैध धंद्यांवर पोलिसांची धाड; मद्य अन् गुटख्यासह वाहनही जप्त
हवेली पोलीस ठाण्याच्या हद्दीतील खडकवासला, गोऱ्हे बुद्रुक, डोणजे येथील जवळपास पाच ठिकाणी हा छापा टाकण्यात आला. येथे अवैध (Illegal) धंदे सुरू असल्याची माहिती पोलिसांना मिळाली होती. त्यानुसार आयपीएस तेगबीरसिंह संधू यांच्या पथकाने येथे धडक दिली.
पुणे : पुण्यातील सिंहगड रस्त्यावरील (Sinhagas road) अवैध धंद्यांवर पोलिसांनी छापा टाकला आहे. जवळपास पाच ठिकाणच्या अवैध धंद्यांवर पोलिसांनी धडक दिली. यात मोठ्या प्रमाणावर मद्यसाठा, गुटका तसेच एक वाहनही जप्त (Seized) करण्यात आले आहे. हवेली पोलीस ठाण्याच्या हद्दीतील खडकवासला, गोऱ्हे बुद्रुक, डोणजे येथील जवळपास पाच ठिकाणी हा छापा टाकण्यात आला. येथे अवैध (Illegal) धंदे सुरू असल्याची माहिती पोलिसांना मिळाली होती. त्यानुसार आयपीएस तेगबीरसिंह संधू यांच्या पथकाने येथे धडक दिली. त्यात मोठा मद्यसाठा, गुटखा जप्त केला. एक बोलेरो गाडीही जप्त करण्यात आली आहे. याप्रकरणी पाच जणांवर गुन्हे दाखल करण्यात आले आहेत. दरम्यान, आयपीएस तेगबीरसिंह संधू यांच्या धडक कारवाईमुळे अवैध धंदे करणाऱ्यांचे धाबे दणाणले आहे.
‘कारवाई सुरूच राहणार’
शहरात अनेक ठिकाणी अवैध धंद्यांना ऊत आला आहे. अशावेळी त्यांच्यावर लगाम घालणे गरजेचे आहे. याच पार्श्वभूमीवर ही कारवाई करण्यात आली. तर यापुढेही अवैध धंदे करणाऱ्यांची गय केली जाणार नाही, असा संदेशच यानिमित्ताने पोलिसांनी दिला आहे. कुठे चुकीचा प्रकार होत असेल तर पोलिसांना कळवण्याचे आवाहन नागरिकांना करण्यात आले आहे.
