Monsoon Update : पुणे, साताऱ्यात पाऊस, राज्यात यलो अलर्ट
Monsoon and weather Update : मे महिना संपण्यास दोन दिवस राहिले आहे. जून महिन्यापासून मान्सूनचे वेध सुरु होतात. यंदा देशभरात आणि राज्यात मान्सून सामान्य असणार असल्याचा अंदाज व्यक्त केला आहे. राज्यात सोमवारी अन् मंगळवारी अनेक ठिकाणी मान्सूनपूर्व पाऊस झाला.
पुणे : मे महिन्याचे दोन दिवस राहिले आहेत. सोमवारी अन् मंगळवारी राज्यात अनेक ठिकाणी मान्सूनपूर्व पाऊस झाला. हा पाऊस म्हणजे वाळवाच्या पावसाला सुरुवात झाल्याचे म्हटले जात आहे. वळवाचा पाऊस मान्सून दाखल होण्यापूर्वी आलेला असतो. यामुळे मान्सूनसाठी अनुकूल वातावरण तयार झाले आहे. आता भारतीय हवामान विभागाने मान्सून देशभरात कधी पसरणार आहे, याची माहितीच जारी केली आहे. राज्यात १६ जूनपर्यंत मान्सून सर्वत्र दाखल होणार आहे. केरळात मान्सून 4 जूनपर्यंत तर मुंबई अन् कोकणात 8 ते 10 जूनपर्यंत मान्सून दाखल होणार आहे.
पुणे शहरात पाऊस
पुणे शहरात रात्री अनेक ठिकाणी पाऊस झाला. काही ठिकाणी गारपीटसुद्धा झाली. शहरातील अनेक भागात रात्रभर सुरू होता. मंगळवारी शहरात सकाळपासून ढगाळ वातावरण आहे. पुणे जिल्ह्यासह राज्यातील अनेक ठिकाणी यलो अलर्ट जारी केला आहे. मुसळधार पावसाचा अंदाज हवामान खात्याकडून व्यक्त केला आहे. सोमवारी झालेल्या पावसामुळे पुणेकरांना उकाड्यापासून दिलासा मिळाला. आज दिवसभर पुणे शहरासह मराठवाडा, विदर्भातील काही भागांमध्ये पावसाची शक्यता व्यक्त केली आहे.
नाशिकमध्ये ऑरेंज अलर्च
हवामान विभागाने नाशिक जिल्ह्याला ऑरेंज अलर्टचा अंदाज वर्तवला आहे. इगतपुरी तालुक्यात विविध ठिकाणी पावसाने जोरदार हजेरी लावली आहे. पावसाने घोटी, काळुस्ते, माणिकखांब, कांचनगाव परिसरात वादळी वाऱ्यासह जोरदार आगमन केले असून गेल्या तासभरापासून पावसाची जोरदार बॅटिंग सुरू आहे. अचानक आलेल्या या अवकळी पावसाने नागरिकांची एकच तारांबळ उडाली
महाबळेश्वरला पाऊस
महाराष्ट्राचे मिनी काश्मीर म्हणून ओळख असलेले महाबळेश्वरमध्ये मान्सून पूर्व पावसाने हजेरी लावली आहे. या भागात दोन दिवसांपासून तुरळक पाऊस कोसळत होता मात्र सोमवारी संध्याकाळच्या सुमारास महाबळेश्वर शहरासह बाजारपेठेत पावसाने जोरदार हजेरी लावली आहे. या पावसामुळे महाबळेश्वरमध्ये आल्हादायक वातावरण तयार झाले आहे.
हवामान विभागाचा इशारा
राज्यात पुढील दोन दिवस काही ठिकाणी मान्सूनपूर्व पावसाचा इशारा देण्यात आला आहे. मात्र, त्यानंतर पुढील 3 दिवस कमाल तापमान 2-4 अंश सेल्सिअसनं वाढण्याचा अंदाज हवामान विभागाकडून वर्तवण्यात आला आहे. केरळात मान्सून 4 जूनपर्यंत दाखल होणार असल्याचा अंदाज हवामान विभागने व्यक्त केला आहे.
हे ही वाचा
Monsoon Update : देशभरात मान्सून कधी पसरणार, IMD कडून आले महत्वाचे अपडेट