Pune crime : कल्याणीनगरात टोळक्याची दहशत, एसआरए कॉम्प्लेक्समधल्या वाहनांची केली तोडफोड
वाहनांची तोडफोड (Vandalized vehicles) केल्याचा प्रकार पुण्यात झाला असून कल्याणीनगरात (Kalyani Nagar) वाहनांची तोडफोड करण्यात आली आहे. येथील मुळीक कॉम्प्लेक्समधील एसआरए बिल्डिंगमध्ये (SRA complex) ही वाहनांची तोडफोड करण्यात आली आहे.
पुणे : वाहनांची तोडफोड (Vandalized vehicles) केल्याचा प्रकार पुण्यात झाला असून कल्याणीनगरात (Kalyani Nagar) वाहनांची तोडफोड करण्यात आली आहे. येथील मुळीक कॉम्प्लेक्समधील एसआरए बिल्डिंगमध्ये (SRA complex) ही वाहनांची तोडफोड करण्यात आली आहे. पहाटे पावणेचारच्या सुमारास अज्ञात तरुणांनी पार्किंगमध्ये घुसून तोडफोड केली आहे. यामध्ये चारचाकी, रिक्षा, आपे तसेच दुचाकींची मोठ्या हत्यारांनी तोडफोड करण्यात आली आहे. या तोडफोडीच्या घटनेनंतर परिसरात दहशतीचे वातावरण निर्माण झाले आहे. अज्ञात पाच ते सहा तरूण मुले होती. त्यांनी त्यांच्या गाड्या गेटच्या बाहेर लावल्या होत्या. त्यांनी मद्यपान केलेले होते. त्यांच्या हातात हत्यारे तसेच बिअरच्या बाटल्याही होत्या. आत घुसल्यानंतर त्यांनी वाहनांची तोडफोड करण्यास सुरुवात केली, असे येथील नागरिकांनी सांगितले आहे. पहाटे साडे चार ते पाचदरम्यान हा प्रकार घडला आहे.
परिसरात भीतीचे वातावरण
त्यांच्या हातात मोठमोठी हत्यारे होती. हातात बिअरच्या बाटल्या होत्या. त्यांनी मोठ्या प्रमाणात धुमाकूळ घातला आहे. त्यामुळे परिसरातील नागरिकांमध्ये भीतीचे वातावरण आहे. अशा टोळक्यावर त्वरीत कारवाई करावी, त्यांना शिक्षा करावी, अशी मागणी येथील रहिवाशांनी केली आहे. असे प्रकार वारंवार होत असल्याचेही नागरिकांचे म्हणणे आहे. एक बुलेट आणि एक अॅक्टिव्हा अशा दोन दुचाकींवर ते आले असल्याचे नागरिकांचे म्हणणे आहे.
