Ajit Pawar| तोपर्यंत मास्क वापरावाच लागेल, लग्नसमारंभासह इतर कार्यक्रमांच्या निर्बंधात शिथिलता आणणार; अजित पवारांचे संकेत

थिएटरमध्ये 50 टक्के उपस्थिती ठेवून सुरू ठेवायला दिलं. इतर कार्यक्रमाला बंधनं आहेत. लग्न समारंभांना बंधन आहेत. सभागृहाची दोन हजार लोकांची कॅपेसिटी असेल तर एक हजार लोकांना परवानगी नाही. फक्त दोनशेलाच परवानगी आहे. त्यामुळे त्यात शिथिलता आणण्याचा प्रयत्न राज्य स्तरावर चर्चा करून घेऊ.

Ajit Pawar meeting in pune

Reporter Pradeep Kapse | Updated on: Feb 12, 2022 | 11:24 AM

पुणे – पुण्यातील कोरोनाची स्थिती आटोक्यात यायला लागली आहे. जागतिक पातळीवर होतंय तेच पुणे शहरात झाले आहे. राज्याचा बाधित दर हा 9 टक्के होता मात्र पुण्याचा 15 टक्के आहे . दुसरीकडे लसीकरणात 1 लाख 3 हजारांनी वाढ झाली आहे. मात्र अद्यापही 15 ते 18 वयोगटातील लसीकरण होण्यात अडचण येत आहे. याचे मुख्य कारण भारत बायोटेक(Bhart Biotech) कडून कोव्हँक्सिन तेवढा पुरवठा होत नाही. भारत बायोटेक कोव्हॅक्सिन तयार करते. पण तेवढा पुरवठा नाही. त्यामुळे शाळा सुरू असताना लसीकरणाचा कार्यक्रम घेता येत नाही. मुंबईत गेल्यावर वरिष्ठ पातळीवर बोलून पुणे आणि महाराष्ट्राला कोव्हॅक्सिनचा (covacine)साठा देण्याची मागणी करू. ग्रामीणला चांगलं व्हॅक्सिनेशन झालं. पण पुणे आणि पिंपरी-चिंचवडला कमी झालं आहे. पण पुण्यात कोरोना रुग्ण स्थिती अटोक्यात असून रुग्ण संख्येतही घट नाही. अशी महिती उपमुख्यमंत्री तथा जिल्हा पालकमंत्री अजित पवार (Deputy CM Ajit Pawar )यांनी दिली आहे. जिल्ह्यातच्या कोरोना आढावा बैठकीनंतर ते बोलत होते.

कोरोना नियमांमध्ये शिथिलता आणण्यासाठी प्रयत्न करणार थिएटरमध्ये 50 टक्के उपस्थिती ठेवून सुरू ठेवायला दिलं. इतर कार्यक्रमाला बंधनं आहेत. लग्न समारंभांना बंधन आहेत. सभागृहाची दोन हजार लोकांची कॅपेसिटी असेल तर एक हजार लोकांना परवानगी नाही. फक्त दोनशेलाच परवानगी आहे. त्यामुळे त्यात शिथिलता आणण्याचा प्रयत्न राज्य स्तरावर चर्चा करून घेऊ. मुख्यमंत्र्यांशी चर्चा करू. हळूहळू सर्व नियम हटवण्याची गरज आहे. जोपर्यंत कोरोना संपत नाही. तोपर्यंत सर्वांना मास्क वापरावेच लागेल.

दाट धुक्यामुळे महापारेषण वाहिन्यात तांत्रिक बिघा दोन दिवसांपूर्वी वीज खंडित झाली होती. मुंबईतही झाली होती. दाट धुक्यामुळे महापारेषण वाहिन्यात तांत्रिक बिघाड झाला,. सकाळी साडेतीन वाजता तळेगाव चाकण येथील 400 केव्हीचं बंद पडलं. लोणीकंद चाकणचं 4:31 ला. 5:52 ला लोणीकंद कर्जतचं बंद पडलं. 5:24 ला लोणीकंद कर्जत-2 बंद पडलं. दाट धुक्यामुळे इन्स्युलेटर डिकॅपिंग होऊन वीज पुरवठा बंद पडला होता. या वाहिन्यांचे पारेषण करून नियमीत देखभाल केली जाते. पण परिस्थिती पूर्ववत केली,असल्याचेही त्यांनी सांगितले.