Baramati water cut : बारामतीकरांनो, पाणी जपून वापरा! वितरण नलिकेच्या कामामुळे गुरुवार, शुक्रवार पाणी नाही!
निरा डावा कालवा पुलावरील वितरण नलिका स्थलांतरित होणार आहे. त्यामुळे पाणीपुरवठा (Water supply) बंद राहणार आहे. बारामतीकरांची दोन दिवस गैरसोय होणार आहे. यावेळी पाणी जपून वापरण्याचे आवाहन नगर परिषदेतर्फे करण्यात आले आहे.
बारामती, पुणे : बारामती (Baramati) शहरात गुरुवार आणि शुक्रवारी पाणीपुरवठा बंद राहणार आहे. निरा डावा कालवा पुलावरील वितरण नलिका स्थलांतरित होणार आहे. त्यामुळे त्यामुळे शहरातील काही भागांचा पाणीपुरवठा (Water supply) बंद राहणार असल्याची माहिती मुख्याधिकारी महेश रोकडे यांनी दिली. बारामती शहरातील तीन हत्ती चौकात निरा डाव्या कालव्यावर शहराला पाणीपुरवठा करणारी वितरण नलिका आणि दबाव नलिका आहे. येथील पुलाचे (Bridge) सध्या काम सुरू आहे. त्यामुळे वितरण नलिका आणि दबाव नलिकेचे स्थानांतर करणे आवश्यक आहे. गुरुवार आणि शुक्रवारी या नलिका स्थलांतरित करण्याचे काम केले जाणार आहे. नलिका स्थलांतरित करण्याचे काम सुरू असल्यामुळे बारामती शहरातील काही भागात गुरुवारी व शुक्रवारी पाणीपुरवठा बंद राहणार आहे.
कोणत्या भागात पाणी नाही?
गुरुवार दि. 28 एप्रिल रोजी सिद्धार्थनगर, भीमनगर, चंद्रमणीनगर, विठ्ठलनगर, कोअर हाऊस, वडार सोसायटी, वडकेनगर, सटवाजीनगर आदी संपूर्ण आमराई विभागात पाणीपुरवठा बंद राहील.
‘काटकसरीने वापरा पाणी’
शुक्रवार दि. 29 एप्रिल रोजी विजयनगर, पोस्ट रोड, जवाहरनगर, सिनेमा रोड, महावीर पथ, बुरुड गल्ली, नेवसे रोड, सिद्धेश्वर गल्ली, कसाब गल्ली, सनगर गल्ली, श्रीराम गल्ली या भागातील पाणीपुरवठा बंद ठेवण्यात येणार आहे. त्यामुळे या भागातील नागरिकांनी पुरेसा पाणी साठा करून पाणी काटकसरीने वापरावे, असे आवाहन नगरपरिषद प्रशासनाकडून करण्यात आले आहे.
