परभणीः मनसे अध्यक्ष राज ठाकरे (Raj Thackeray) सध्या पुण्याच्या दौऱ्यावर आहेत. या ठिकाणी राज ठाकरेंना भेटायला अनेक जिल्ह्यांतील कार्यकर्ते आणि पदाधिकाऱ्यांची गर्दी होते. याच पदाधिकाऱ्यांपैकी एका राज ठाकरेंकडे वेगळीच मागणी केली. सुरुवातीला ही मागणी पुरी करण्यासाठी राज ठाकरेंनी नकार दिला. पण कार्यकर्ताही हट्टाला पेटला होता, अखेर राज ठाकरेंना त्याची मागणी पुरवावीच लागली.
मनसे अध्यक्ष राज ठाकरे आज पुण्याच्या दौऱ्यावर आहेत. तिथे मूळचा परभणीचा पदाधिकारी असलेला निशांत कमळू हा त्याच्या पत्नीसह पुण्यात आला होता. यावेळी निशांत याने आपल्या बाळाचे नामकरण तुम्ही करावे, अशी विनंती राज ठाकरेंकडे केली. सुरुवातीला राज ठाकरे यांनी त्याला विनम्रपणे नकार दिला. मात्र नंतर पदाधिकाऱ्याचा हट्ट पुरवत त्याच्या बाळाचे नामकरण केले. राज ठाकरे यांनी या बाळाचं नाव यश ठेवलं.
दरम्यान, राज ठाकरे यांनी आपल्या मुलाचे नाव ठेवल्याबद्दल परभणीचे पदाधिकारी निशांत कमळू यांनी आनंदयुक्त प्रतिक्रिया व्यक्त केली. राज ठाकरेंनी नाव ठेवल्यामुळे आमच्या मुलाचे भविष्य उज्वल होईल, अशी आशा त्यांनी व्यक्त केली.
इतर बातम्या-