हातावर ती नावं लिहिली कुणी? आरोपी पोलीस बनकर याच्या वडिलांचा फलटणमधील महिला डॉक्टरच्या आत्महत्या प्रकरणात सवाल

फलटण महिला डॉक्टर आत्महत्या

सातारा जिल्ह्यातील फटण येथील उपजिल्हा रुग्णालयातील काम करणाऱ्या महिला डॉक्टरने सुसाईड नोट लिहित जीवन संपवले. दोन दिवसांपूर्वी तिने आत्महत्या केली. ही आत्महत्या पोलिस दलातील दोन अधिकाऱ्यांमुळे केल्याचे तिने हातावर लिहिलेल्या सुसाईट नोटमध्ये लिहिले. त्यावरून राज्यात खळबळ उडाली. पोलीस निरीक्षक गोपाल बदने आणि पोलीस प्रशांत बनकर यांच्यावर थेट आरोप करण्यात आला होता. यातील प्रशांत बनकर याला पुण्यातील एका फार्महाऊसवरुन अटक करण्यात आली. तर मृत महिला डॉक्टराच्या हातावत तो मजकूर आणि ती नावं कुणी लिहिली असा सवाल विचारल्या जात आहे.

बनकरच्या आई-वडिलांचा सवाल

फलटणमधील महिला डॉक्टर आत्महत्याप्रकरणात सातारा ग्रामीण पोलिसांनी आरोपी प्रशांत बनकर याला आज भल्या पहाटे पुण्यातून अटक केली. महिला डॉक्टरला बनकरने मानसिक त्रास दिल्याचा आरोप आहे. त्याला पहाटे 4 वाजता अटक केली. दुसरा आरोपी अद्याप फरार आहे. 24 तासानंतरही गोपाल बदने हा फरार आहे. त्याचे शेवटचे मोबाईल लोकेशन पंढरपूर येथे आढळून आले.

दरम्यान प्रशांत बनकर याच्या आई-वडिलांनी त्याच्यावरील सर्व आरोप फेटाळले आहेत. माझा मुलगा हा पुण्याला असतो. दिवाळीमुळे तो चार पाच दिवसांपासून घरीच होता. त्याच्यावर मुद्दामहून असे आरोप करण्यात आले आहेत. तो असे करणार नाही, असे आरोपी बनकर याची आई म्हणाली. आमच्या मुलावर अन्याय करून त्या मॅडम गेल्याची प्रतिक्रिया बनकरच्या आईने दिली. त्या महिला डॉक्टराच्या हातावर जे नाव लिहिले आहे, ते तिनेच लिहिले आहे का? की मुद्दामहून दुसऱ्या कुणी ती नाव तिच्या हातावर लिहिली आहे, याचा तपास झाला पाहिजे. आम्हाला वाटतं दुसऱ्यानंच तिच्या नावावर माझ्या मुलाचं नाव लिहिलं आहे. आम्हाला वाटतं कुणाच्या तरी दबावाखाली ही नावं लिहिण्यात आली आहे. आता शासनानं आणि पोलिसांनी याविषयी योग्य तपास करावा अशी मागणी बनकर यांच्या आई-वडिलांनी केली आहे.

महिला डॉक्टर आणि पोलिसांमध्ये खटके

पीडित महिला डॉक्टर आणि फलटण पोलिसांमध्ये अनेकदा खटके उडाल्याचे स्पष्ट झाले आहे. दोघांनी एकमेकांच्या प्रशासनाकडे तक्रारी केल्याचे समोर आले आहे. पोलिसांना आरोपींचे हवा तसा वैद्यकीय अहवाल संबंधित महिला डॉक्टरकडून मिळत नसल्यानेच त्रास दिल्याचा आरोप करण्यात येत होता. महिला डॉक्टरची पोलिसांनी जिल्हा आरोग्य विभागाकडे तक्रार सुद्धा केली होती. त्यासाठी चौकशी समिती सुद्धा नेमण्यात आली होती. महिला डॉक्टरने तिची लेखी बाजू सुद्धा चौकशी समितीसमोर मांडली होती.