आमदार चंद्रकांत पाटील यांची तब्येत बिघडली, मुंबईतील रुग्णालयात दाखल…
मुक्ताईनगर मतदारसंघाचे आमदार चंद्रकांत पाटील यांची तब्येत अचानक खालावल्याने त्यांना तातडीने मुंबईतील एच.एन. रिलायन्स हॉस्पिटल येथे दाखल केले आहे.
शिवसेनेचे मुक्ताईनगर मतदारसंघाचे आमदार चंद्रकांत पाटील यांची तब्येत अचानक बिघडल्याने त्यांना तातडीने मुंबईत हलवण्यात आले आहे. आमदार चंद्रकांत पाटील यांना मुंबईतील एच.एन रिलायन्स हॉस्पिटल येथे दाखल करण्यात आले आहे. शिवसेनेचे नेते खासदार डॉ.श्रीकांत शिंदे आणि गुलाबराव पाटील यांनी रुग्णालयात जाऊन चंद्रकांत पाटील यांच्या तब्येतीची विचारपूस केली आहे. राज्याचे अर्थसंकल्पीय अधिवेशन सुरु असून हाऊसमध्ये काम सुरु असतानाच पाटील यांची तब्येत अचानक ढासळली.
महाराष्ट्र राज्याचे अर्थसंकल्पीय अधिवेशन 2026 सुरु असतांना आज गुरुवार दि. 5 मार्च रोजी गुरुवारी हाऊस मध्ये कामकाज सुरु असताना मुक्ताईनगर मतदार संघांचे आमदार चंद्रकांत पाटील यांची तब्येत अचानक खालावली असता तातडीने त्यांना मुंबईतील एच.एन रिलायन्स हॉस्पिटल येथे दाखल केले आहे.
तब्येत स्थिर – डॉक्टर
शिवसेनेचे नेते तसेच खासदार डॉ.श्रीकांत शिंदे आणि राज्याचे मंत्री गुलाबराव पाटील यांनी रुग्णालयात जाऊन तब्येतीची विचारपूस करून डॉक्टरांना योग्य उपचार करण्याच्या सूचना दिल्या असून एच.एन. रिलायन्स हॉस्पिटलच्या वरिष्ठ डॉक्टरांच्या देखरेखीखाली त्यांच्यावर उपचार सुरु आहेत.आता त्यांची तब्येत स्थिर असल्याचे स्वीय सहायक प्रवीण चौधरी यांनी कळविले आहे.
