सोलापुरात पाणी टँकर घोटाळ्याप्रकरणी सहा जणांवर गुन्हा दाखल
सोलापूर महानगरपालिकेत पाणी टँकर घोटाळ्याप्रकरणी सहा जणांवर गुन्हा दाखल करण्यात आला आहे. पाणीटंचाईच्या काळात शहरात खाजगी टँकरद्वारे पुरवठा करत असताना भ्रष्टाचार झाल्याचा आरोप आहे.
सोलापूर : सोलापूर महानगरपालिकेत (Solapur Municipal Corporation) पाणी टँकर घोटाळ्याप्रकरणी सहा जणांवर गुन्हा दाखल करण्यात आला आहे. पाणीटंचाईच्या काळात शहरात खाजगी टँकरद्वारे (Solapur Water Tanker Scam) पुरवठा करत असताना भ्रष्टाचार झाल्याचा आरोप आहे. टँकरच्या ज्यादा खेपा दाखवून 1 लाख 42 हजार रुपये अतिरिक्त दिल्याची तक्रार महापालिकेच्या झोनल अधिकाऱ्यांनी दिली. त्यानंतर ही कारवाई करण्यात आली आहे. या घोटाळ्याप्रकरणी तत्कालीन विभागीय अधिकारी लिपिक आणि ठेकेदार अशा एकूण सहा जणांविरुद्ध गुन्हा दाखल झालाय. सोलापूर शहरातील जेलरोड पोलीस ठाण्यात गुन्हा दाखल झाला आहे.
2016 ते 2018 या कालावधीमध्ये शहरात पाणीटंचाई होती. त्यामुळे टँकरद्वारे पाणीपुरवठ्याचे काम शफी शेख आणि शिवानंद साखरे या दोन ठेकेदारांना देण्यात आलं होतं. यामध्ये तत्कालीन विभागीय अधिकारी ए.व्ही. भालेराव, तत्कालीन ज्युनिअर इंजिनियर ए. पी. सावस्कर यांच्यासह कनिष्ठ लिपिकांनी ठेकेदारांशी संगनमत करून 1 लाख 42 हजार रुपयांचा अपहार केल्याची तक्रार पोलिसात देण्यात आली आहे. 5 वर्षानंतर पाणी टँकर घोटाळा उघड झाला आहे.
