मला रोहिणी खडसेंची सहानुभूती…रूपाली चाकणकर यांचे प्रांजल खेवलकरवर गंभीर आरोप तर दुसरीकडे….

पुणे पोलिसांनी खराडी भागात छापेमारी करत एकनाथ खडसे यांचे जावई प्रांजल खेवलकर याला अटक केली. धक्कादायक म्हणजे या पार्टीमध्ये फक्त पुरूषच नव्हते तर काही महिलांचा देखील समावेश होता. या पार्टीतील सर्व आरोपी सध्या कोठडीत आहेत. जावयाच्या अटकेनंतर खडसे कुटुंबियांकडून वेगळाच दावा केला जातोय. दुसरीकडे या वादात महिला आयोगाने उडी घेतली असून त्यांनी पार्टी प्रकरणातील संपूर्ण अहवाल पोलिसांकडून मागवून घेतला. पत्रकार परिषद घेत त्यांनी खुलासे देखील केले.

रूपाली चाकणकर यांनी पत्रकार परिषदेमध्ये म्हटले की, काही गोष्टी मी बोलू शकत नाही, मला संकोच वाटतो बोलताना तपास देखील सुरू आहे. प्रांजल खेवलकर याच्या मोबाईलमध्ये मुलींच्या चॅटचे काही स्क्रीनशॉर्ट आहेत जे धक्कादायक आहेत. मुलींचे नग्न फोटो व्हिडीओ यासोबतच काही व्हिडीओंमध्ये खेवलकर हा स्वत: दिसतोय. मुलींना नशा करायला लावून त्यांच्यावर अत्याचार करण्यात आली.

यादरम्यान बोलताना रूपाली चाकणकर यांनी थेट म्हटले की, या सर्व प्रकारानंतर मला रोहिणी खडसे यांची सहानुभूती वाटते…यामधील सर्व गोष्टी त्यांना माहिती झाल्यावर त्यांच्या मनातील बरेचसे गैरसमज दूर होतील आणि दुसरी बाजू म्हणजे त्यांना जर याबद्दल सर्व माहिती असेल आणि त्याचे समर्थन त्या करत असतील तर गुन्हाचे समर्थन करणारही गुन्हेगार असतो. तर ते दुर्लक्ष करण्यासारखे नाही, असेही त्यांनी म्हटले आहे. रोहिणी खडसे आणि रूपाली चाकणकर यांच्यातील वाद सर्वांनाच माहिती आहे.

दोघीही एकमेकींवर जोरदार टीका करताना कायमच दिसतात. रूपाली चाकणकर यांनी पतीच्या रेव्ह पार्टीवरून मध्यंतरी रोहिणी खडसे यांच्यावर टीका केली होती, त्याबद्दल बोलताना खडसे यांनी म्हटले होते की, योग्य वेळ आल्यावर मी सर्वांच्या टिकेला उत्तर देणार आहे. रोहिणी खडसे या पतीसाठी मैदानात उतरल्याचे बघायला मिळाले. सुनावणीच्या दिवशी त्या कोर्टात पोहोचल्या होत्या. प्रांजल खेवलकरला फसवण्यात आल्याचे एकनाथ खडसे यांनी सुरूवातीला म्हटले होते. रोहिणी खडसे यांच्यासाठी सुप्रिया सुळे यांनी देखील एक पोस्ट शेअर केली होती.