सुप्रिया सुळे यांचे नवे व्हॉट्सअप स्टेट्स, थेट बारामतीचा उल्लेख, मोठे संकेत, अजित पवार यांच्यासोबतचे…
अजित पवार यांच्या निधनानंतर सुनेत्रा पवार यांनी उपमुख्यमंत्रीपदाची शपथ घेतली. मात्र, पवार कुटुंबातील वाद पुढे आला. अजित पवार यांच्या निधनानंतर सतत व्हॉट्सअप स्टेट्स ठेवताना सुप्रिया सुळे दिसत आहेत. त्यामध्येच आता त्यांनी मोठे संकेत दिले आहेत.
अजित पवार यांच्या निधनानंतर सर्वांनाच मोठा धक्का बसला. अजित पवार मुंबईहून बारामतीकडे जात असताना त्यांच्या विमानाचा मोठा अपघात झाला. या विमान अपघातात एकही व्यक्ती जिवंत राहिली नाही. अजित पवार सकाळी 8.10 ला मुंबईहून बारामतीकडे रवाना झाले होते, यादरम्यान 8.45 ला त्यांचा विमानाचा भीषण अपघात झाला. 28 जानेवारी 2026 हा राज्यातील राजकारणासाठी काळा दिवस ठरला. अजित पवार यांच्या जाण्याने मोठी पोकळी निर्माण झाली. मात्र, यादरम्यानच पवार कुटुंबातील वादही थेट पुढे आला. अजित पवार यांना जाऊन काही तास झाले असताच त्यांच्या पत्नी सुनेत्रा पवार यांनी थेट उपमुख्यमंत्रीपदाची शपथ घेतली. शरद पवार आणि पवार कुटुंबातील कोणालाही कल्पना न देता त्यांनी हा निर्णय घेतला. सुनेत्रा पवार उपमुख्यमंत्रीपदाची शपथ घेत आहेत, याबद्दल त्यांच्या दोन्ही मुलांना कल्पना होती. पार्थ पवार शरद पवार आणि सुप्रिया सुळे यांना भेटला.
सुनेत्रा पवार या उपमुख्यमंत्रीपदाची शपथ घेत आहेत, याची आपल्याला कोणतीही कल्पना नसल्याचे शरद पवार यांनी सांगितले. सुनेत्रा पवार यांच्या शपथविधीबाबत सुप्रिया सुळे यांनीही तेच विधान केले. सुप्रिया सुळे या सध्या दिल्लीत आहेत. अजित पवार यांच्या निधनानंतर त्या सतत व्हॉट्सअप स्टेट्स अजित पवार यांच्या संबंधित ठेवत आहेत. यादरम्यानच त्यांनी एक व्हॉट्सअप स्टेट्स ठेवले ज्याची तूफान चर्चा आहे.
सुप्रिया सुळे यांनी एक नवीन व्हॉट्सअप स्टेट्स ठेवले. ज्यामध्ये त्यांनी अजित पवार यांच्यासोबतचा जुना फोटो शेअर केला. या फोटोमध्ये सुप्रिया सुळे या अजित पवार यांच्यासोबत दिसत आहेत. हा फोटो शेअर करताना सुप्रिया सुळे यांनी खास कॅप्शनही दिले. सुप्रिया सुळे यांनी @ बारातमी…… असे कॅप्शन दिले आहे.
या व्हॉट्सअप स्टेट्सच्या माध्यमातून काहीतरी मोठे संकेत देताना सुप्रिया सुळे या दिसत आहेत. दोन्ही राष्ट्रवादी एकत्र येणार होत्या पण आता खंड पडल्याचे मोठे विधान स्वत: शरद पवार यांनी केले. अजित पवार आणि जयंत पाटील यांच्यामध्ये पक्षाच्या विलिगीकरणाबद्दल चर्चा सुरू असल्याचे सांगण्यात आले. मात्र, याला राष्ट्रवादी अजित पवार गटाच्या नेत्यांनी नकार दिलाय. अशी कोणतीही चर्चा झाली नसल्याचेही त्यांनी सांगितले.
