राज्यसभेच्या जागेचा सस्पेन्स वाढला… राष्ट्रवादी भाजपसाठी सोडणार जागा? या नावाची तुफान चर्चा… कुणाला लॉटरी लागणार?

Rajya Sabha Seat NCP-BJP: राष्ट्रवादीची राज्यसभेची एक जागा रिक्त आहे. या जागेवरून सध्या उलटसुलट चर्चा सुरू आहे. ही जागा राष्ट्रवादी भाजपला सोडणार असा सूर आळवल्या गेला आहे. कालपरवा नवनीत राणा यांनी मुख्यमंत्री देवेंद्र फडणवीस आणि उपमुख्यमंत्री सुनेत्रा पवार यांची भेट घेतली. त्या राज्यसभेसाठी इच्छुक असल्याचे समोर आले. पण नंतर प्रदेशाध्यक्ष सुनील तटकरे यांनी राष्ट्रवादीचाच उमेदवार असेल असे काल सांगितले. राष्ट्रवादीच्या चिन्हावर तो राज्यसभेत जाईल असे सांगितले. पण या राज्यसभेच्या जागेचा सस्पेन्स कायम आहे. नवनीत राणा यांचे नाव मागे पडल्यानंतर आता कुणाला लागणार लॉटरी?

राज्यसभेच्या जागेचा सस्पेन्स कायम

राज्यसभा उमेदवारीच्या संदर्भात राष्ट्रवादी काँग्रेस पक्षाचा अद्याप निर्णय नाही झालेला नसल्याची माहिती समोर येत आहे. राज्यसभा उमेदवारी अर्ज दाखल करण्यासाठी अवघे २ दिवस शिल्लक आहेत. ८ जून सोमवारी दुपारी ३ वाजेपर्यंत उमेदवारी अर्ज दाखल करण्याची मुदत आहे. राज्यसभा उमेदवारी च्या संदर्भात राष्ट्रवादी काँग्रेस पक्षाची कोर कमिटीची बैठक अद्याप नाहीच. राज्यसभेची जागा खरच राष्ट्रवादी काँग्रेस पक्ष लढवणार आहे का? ही जागा भाजपकडे जाणार? यावरून जोरदार चर्चा सुरू आहे. उद्यापर्यंत राष्ट्रवादी काय निर्णय घेते? या प्रकरणी कोणता नवीन ट्विस्ट येतो याकडे सर्वांचेच लक्ष लागले आहे.

राज्यसभेसाठी ही नावं चर्चेत

गेल्या दोन दिवसांपासून नवनीत राणा यांच्या नावाची जोरदार चर्चा सुरू होती. त्या राज्यसभेसाठी इच्छुक असल्याचेही बोलले जात होते. पण याप्रकरणी दोन्ही बाजूंनी अधिकृत वक्तव्य समोर आले नाही. मुंबईत वर्षावर आणि देवगिरी बंगल्यावर भेटीगाठी आणि खलबतं झाल्याचे मानले जात आहे. पण त्यामागील कानगोष्टी समोर आल्या नाहीत. तर आता राष्ट्रवादी काँग्रेस पक्षाकडून राज्यसभेच्या उमेदवारी करिता प्रमोद हिंदुराव,छगन भुजबळ,अविनाश आदिक,समीर भुजबळ यांची नाव चर्चेत आहेत, असे समोर येत आहे. आता राज्यसभेची लॉटरी कुणाला लागणार हे येत्या दोन दिवसात समोर येईल.