Vikhe Patil : स्वीडनच्या खासदार नीला विखे यांचे राधाकृष्ण विखे पाटलांबद्दल मोठे खुलासे, विखे कुटुंबात नक्की वाद काय…

Nila Vikhe Patil and Radhakrishna Vikhe Patil

राज्यातील राजकारणात बडे नाव, शैक्षणिक क्षेत्रात विखे पाटील यांचे कुटुंबिय आघाडीवर आहे. अहिल्यानगर जिल्ह्यात विखेचे वर्चस्व बघायला मिळते. त्यातच विखे घराण्याच्या लेकीने थेट स्वीडनमध्ये धमाका केला. अहिल्यानगरच्या लेकीची थेट स्वीडनच्या डंका बघायला मिळाली. 41 वर्षीय नीला विखे पाटील स्वीडनमध्ये खासदार झाल्या आहेत. 349 सदस्य असलेल्या संसदेत त्या सदस्य म्हणून पोहोचल्या. स्टॉकहोम शहर मतदारसंघातून त्यांनी नुकतीच निवडणूक जिंकली आणि त्या स्वीडनमध्ये खासदार झाल्या.नीला विखे पाटील या राधाकृष्ण विखे यांच्या मोठ्या भावाच्या कन्या आहेत. मात्र, गेल्या काही वर्षांपासून त्यांचा कधी साधा संपर्कही नव्हता. कधी एकमेकांसोबत ते संवादही साधत नाही. 12 वर्षापेक्षाही अधिक काळापासून आपला काहीच संपर्क नसल्याचा मोठा खुलासा नीला विखे यांनी केला. काका राधाकृष्ण विखे आणि चुलत भाऊ सुजय विखे यांच्यासोबत काहीच नाते नसल्याचे त्यांनी स्पष्ट केले.

मी निवडून आल्यानंतर नक्कीच मला काकांचा फोन आलेला. पण राजकीय किंवा काैटुंबिक संबंध आमच्या नक्कीच नसल्याचे नीला यांनी एका मुलाखतीमध्ये बोलताना स्पष्ट केले. त्यातच आता विखे कुटुंबाबद्दल मोठी माहिती पुढे येतंय. अशोक विखे यांनी राधाकृष्ण विखेंवर आत्तापर्यंत अनेक आरोप केले. संस्थांचे नियंत्रण, राजकीय हस्तक्षेप आणि आर्थिक गैरव्यवहार या मुद्द्यांवर त्यांनी गंभीर आरोप केले.

प्रवरा शैक्षणिक संस्थांवर राधाकृष्ण विखे यांनी बेकायदेशीरपणे नियंत्रण मिळवल्याचा अशोक विखेंचा आरोप आहे. संस्थांचा वापर राजकीय स्वार्थासाठी केला जात असल्याचा दावा यादरम्यान त्यांनी केला. संस्थेच्या कारभारात आपल्याला डावलण्यात आल्याचा आरोप देखील त्यांचा आहे. मुळा-प्रवरा वीज संस्थेत कोट्यवधी रुपयांचा गैरव्यवहार झाल्याचा आरोप आहे. या गैरव्यवहारात राधाकृष्ण विखेंच्या भूमिकेवर अशोक विखेंनी प्रश्न उपस्थित केले.

विखे कुटुंबाच्या संस्थांवर एकाधिकार निर्माण करण्याचा प्रयत्न केल्याचा आरोप आहे. साखर कारखान्यांकडून ऊस उत्पादकांना FRPची पूर्ण रक्कम न दिल्याचा आरोप आहे. प्रवरा संस्थेतील कर्मचाऱ्यांचा राजकीय प्रचारासाठी वापर केल्याचा दावा आहे. झाकीर नाईक यांच्या संस्थेकडून विखे संस्थेला देणगी मिळाल्याचा मुद्दा उपस्थित करत अशोक विखेंनी प्रश्न उपस्थित केले. सुजय विखे हे पहिल्यांदा लोकसभेची निवडणूक लढवली त्यावेळेला थेट त्यांच्या विरोधात प्रचार करण्यासाठी ते शरद पवार यांच्या मंचावर उपस्थित होते.