संजय राऊतांसह 6 खासदारांचा कार्यकाळ लवकरच संपणार, यादीत राज्यातल्या बड्या नेत्यांची नावं

बड्या नेत्यांचा खासदारकीचा कार्यकाळ संपणार

Image Credit source: tv9

मुंबई : विधान परिषद आणि राज्यसभेतील (Member of parliament) काही सदस्यांचा कार्यकाळ लवकरच संपणार आहे. त्यात मोठ्या नेत्यांचा समावेश आहे. कार्यकाळ संपणाऱ्या सदस्यांमध्ये शिवसेना खासदार संजय राऊत (Sanjay Raut) यांच्याही नावाचा समावेश आहे. त्यामुळे यातल्या कुणाला पुन्हा संधी मिळणार आणि कुणाला डच्चू मिळणार याकडेही सर्वाचं लक्ष लागलं आहे. कार्यकाळ संपणाऱ्या खासदारांमध्ये महाराष्ट्रातील एकूण 6 खासदारांचा समावेश आहे. त्यात शिवसेना खासदार संजय राऊत, भाजप खासदार पियुष गोयल(Piyush Goyal) , काँग्रेस खासदार पी. चिदंबरम असा बड्या नावांचा समावेश आहे. त्यामुळे ही यादी चर्चेत आहे. या सर्व सदस्यांचा कार्यकाळ हा 4 जुलै रोजी संपणार असल्याची तारीख यादीत दिली आहे.

कार्यकाळ संपणाऱ्या खासदारांची यादी जाहीर

कुणाला पुन्हा संधी मिळणार?

भाजपवर सतत परखड टीका करणारे नेते म्हणून संजय राऊत यांना ओळखले जाते. तसेच महाविकास आघाडीच्या निर्मितीतही संजय राऊतांची भूमिका महत्वाची राहिली आहे. दिल्लीच्या राजकारणात आणि राज्याच्या राजकारणात संजय राऊत यांचं चांगलं वजन आहे. संजय राऊत रोज भाजवर तुटून पडतात त्यामुळे ते रोज हेडलाईनमध्येही असतात. दिल्लील्या संसदेतही ते भाजपविरोधात जोमाने खिंड लढवताना दिसतात. अनेक मोठे मुद्दे संजय राऊत दिल्लीच्या संसदेत उपस्थित करताता. त्यांचा कार्यकाळ आता संपत आहे. त्यामुळे त्यांना संधी पुन्हा मिळणार की नाही, याकडे अनेक नजरा लागल्या आहेत. तसेच पियुष गोयल यांचेही नाव या यादीत आहे. पियुष गोयल हे सध्या केंद्रीय मंंत्रिमंडलातील मोठं नाव आहे. या दोन बड्या नेत्यांबरोबरच काँग्रेस खासदार पी चिदंबरम यांचेही नाव या यादीत आहे. चिंदमबरम यांना काँग्रेसच्या ताफ्यात जेष्ठ आणि अनुभवी नेतृत्व म्हणून मानाचे स्थान आहे.

कुणाला पुन्हा संधी कुणाला डच्चू?

शिवाय या यादीत भाजप खासदार विकास महात्मे आणि विनय सहस्त्रबुद्धे यांचीही नावं आहेत. त्यांना पुन्ही संधी मिळणार की आता खांदेपालट होणार? असा सवाल राजकारणात विचारला जातोय. तसेच राष्ट्रवादीचे नेते आणि शरद पवारांच्या जवळचे नेते अशी ओळख असलेले प्रफुल्ल पटेल यांचाही कार्यकाळ संपणार आहे.

जरा धीर धरा, मोदी युगानंतर BJPमध्ये फूट पडेल; Veerappa Moily यांचा G-23 नेत्यांना सल्ला

Raju Shetti महाविकास आघाडीतून बाहेर पडणार?; 5 एप्रिलच्या मेळाव्यात घेणार निर्णय

तीन नापास विद्यार्थी डिस्टिंक्शनमध्ये आल्यासारखे वागत आहेत, माझ्यावरील संकट आघाडी निर्मित-दरेकर