VIDEO | झाडावर धडकून कार उलटली, ठाण्यात विहंग्स इन हॉटेलसमोर भीषण अपघात

ठाणे घोडबंदर रोडवर कार पलटली

ठाणे : कार झाडावर धडकून उलटल्यामुळे ठाण्यात घोडबंदर रोडवर भीषण अपघात झाला. ‘विहंग्स इन हॉटेल’च्या समोरच सकाळच्या सुमारास हा अपघात घडला. सुदैवाने या अपघातातून चालक बचावला आहे. अपघातग्रस्त गाडीची दृश्यं समोर आली आहेत. (Thane Ghodbunder Road Accident Car Overturn near Vihangs Inn Hotel)

सोमवारी (15 मार्च) सकाळी सात वाजण्याच्या सुमारास हा अपघात झाला. कार चालकाचा गाडीवरील ताबा सुटल्यामुळे हा अपघात झाल्याचं बोललं जातं. गाडी झाडाला धडकल्यानंतर भररस्त्यातच पलटी झाली. पण सुदैवाने चालक या अपघातातून बालंबाल बचावला. जखमी कार चालकाला रुग्णालयात दाखल करण्याते आले.

ठाण्याहून नवी मुंबईला जाताना अपघात

हा अपघात ठाण्यातील घोडबंदर रोडवरील विहंग्स इन हॉटेलच्या समोरच घडला. ही गाडी ठाण्याहून घोडबंदर रोड मार्गे नवी मुंबई येथे जात असतानाच हा अपघात घडल्याची माहिती आहे. अपघातानंतर वाहतूक पोलिस आणि ठाणे महापालिकेच्या आपत्कालीन विभाग यांनी ही गाडी बाजूला करुन वाहतुकीसाठी रस्ता मोकळा केला.

पाहा व्हिडीओ :

ठाण्यात काही महिन्यांपूर्वी विचित्र अपघात झाला होता. वाघबीळ उड्डाणपुलावरुन पुठ्ठ्यांनी भरलेला ट्रक जात होता. यावेळी चालकाचा ट्रकवरील ताबा सुटला आणि ट्रक थेट उड्डाणपुलाच्या सुरक्षा भिंतीला जाऊन धडकला. त्यामुळे ट्रकमध्ये असलेले पुठ्ठ्यांचे गठ्ठे उड्डाणपुलाखाली मुंबईच्या दिशेने जाणाऱ्या गाडीवर पडले. त्यात एका गाडीचा चक्काचूर झाला. या दुर्घटनेत एका व्यक्तीचा जागीच मृत्यू झाला होता.

संबंधित बातम्या :

ठाण्यात विचित्र अपघात, पुलावरील अपघातग्रस्त ट्रकमधील पुठ्ठ्यांचे गठ्ठे गाडीवर पडले, एकाचा मृत्यू

ठाण्यात एसटीचा भीषण अपघात, महिलेनं गमावले दोन्ही पाय

(Thane Ghodbunder Road Accident Car Overturn near Vihangs Inn Hotel)