लायटरच्या जीवावर चोर मांगे More! लायटरसारखी बंदूक ताणून लुटमार करणाऱ्यांना कल्याणमध्ये अटक

लायटरच्या जीवावर चोर मांगे More! लायटरसारखी बंदूक ताणून लुटमार करणाऱ्यांना कल्याणमध्ये अटक
लायटरसारखी बंदूक ताणून लुटमार करणाऱ्यांना कल्याणमध्ये अटक
Image Credit source: TV9

कल्याणच्या खडकपाडा पोलिस ठाण्याचे पोलिस कर्मचारी कल्याण पश्चिमेतील शहाड परिसरात ड्युटीवर असताना एक संशयित रिक्षा त्यांना जाताना दिसली. पोलिस गाडी तपास होते. या दरम्यान ही रिक्षा दिसल्याने पोलिसांनी हाक मारुन त्या रिक्षाला थांबविण्याचा प्रयत्न केला. रिक्षा चालकाने रिक्षा थांबविली, मात्र रिक्षामधून उड्या टाकून दोन जण पळून गेले.

अमजद खान

| Edited By: वैजंता गोगावले, टीव्ही 9 मराठी डिजीटल टीम

Mar 29, 2022 | 8:55 PM

कल्याण : लूटपाट किंवा घातपातच्या तयारीत असलेल्या चार पैकी दोन सराईत गुन्हेगारां (Criminals)ना कल्याणच्या खडकपाडा पोलिसांनी पाठलाग करीत बेड्या ठोकल्या आहेत. दगोस सादिक शेख आणि मुसब शेख अशी अटक करण्यात आलेल्या दोघांची नावे आहेत. विशेष म्हणजे या दोघांकडे दोन कोयते आणि एक लायटर सापडला आहे. हा लायटर (Lighter) पिस्तूल सारखा दिसतो. घाबरविण्यासाठी याचा वापर केला जात होता. नक्की हे लोक काय करण्यासाठी चालले होते याचा तपास आताता पोलिस करीत आहेत. (Khadakpada police arrested the criminals who were preparing for the robbery)

पोलिसांनी संशयित रिक्षाची तपासणी करताना कोयते, बंदुक सापडले

कल्याणच्या खडकपाडा पोलिस ठाण्याचे पोलिस कर्मचारी कल्याण पश्चिमेतील शहाड परिसरात ड्युटीवर असताना एक संशयित रिक्षा त्यांना जाताना दिसली. पोलिस गाडी तपास होते. या दरम्यान ही रिक्षा दिसल्याने पोलिसांनी हाक मारुन त्या रिक्षाला थांबविण्याचा प्रयत्न केला. रिक्षा चालकाने रिक्षा थांबविली, मात्र रिक्षामधून उड्या टाकून दोन जण पळून गेले. बाकी दोन जणांना दोन पोलिसांनी पकडले. रिक्षाची तपासणी केली असता रिक्षात दोन कोयते आणि एक बंदुक सापडली. ही बंदुक नसून सिगरेट जाळण्याचा लायटर होता. तो चक्क पिस्तूल सारखा दिसत होता. याचा वापर लोकांना घाबरविण्यासाठी केला जात होता.

आरोपींना एक दिवसाची पोलिस कोठडी

पोलिसांनी ताब्यात घेण्यात आलेल्या दगोस सादिक शेख आणि मुसब शेख या दोघांना अटक केली. मुसब हा बाजारपेठ पोलिस ठाण्यातून तडीपार आहे. या प्रकरणाचा तपास अनिल पोवार करीत आहेत. या दोघांना कोर्टात हजर केले असता कोर्टाने दोघांना एक दिवसाची पोलिस कोठडी सुनावली आहे. नक्की हे दोघे काय करण्यासाठी चालले होते. त्याचे पळून गेलेले साथीदार कोण आहेत? लूटपाट किंवा घातपात करणार होते का ? बंदुकीसारखा दिसणारा लायटरचा वापर कशासाठी केला जात होता ? याचा तपास आता सुरु असल्याची माहिती खडकपाडा पोलिस ठाण्याचे वरिष्ठ पोलिस निरिक्षक अशोक पवार यांनी दिली आहे. (Khadakpada police arrested the criminals who were preparing for the robbery)

इतर बातम्या

Big Breaking : पुण्यातली स्फोटांची मालिका संपेना, चाकण औद्योगिक वसाहतीतही मोठा ब्लास्ट

Sangli Crime : सांगलीत चित्तथरारक पाठलाग करत पोलिसांनी पकडला चोरीला गेलेला ट्रॅक्टर

Follow us on

Related Stories

Most Read Stories

Click on your DTH Provider to Add TV9 MARATHI

राज्य चुनें