Dahihandi 2026 : ठाण्यात संस्कृतीच्या दहीहंडीत लागले 9 थर, ते पाहून सूर्यकुमार यादव म्हणाला…

ठाण्यात वर्तकनगर येथे संस्कृती प्रतिष्ठानच्या दहीहंडी उत्सवाचा उत्साह शिगेला पोहोचला आहे. टीम इंडियाचा माजी कर्णधार सूर्यकुमार यादव खास या दहीहंडी उत्सवाला भेट देण्यासाठी आलेला.त्यावेळी सूर्यकुमार यादवसमोर शिवगणेश गोविंदा पथकाने 9 थर रचले. हे नऊ थर पाहून सूर्यकुमार यादव सुद्धा भारावून गेला. संस्कृती प्रतिष्ठानच्या मैदानात सूर्यकुमार यादवला पाहण्यासाठी एकच गर्दी जमली होती. एरवी क्रिकेट मैदानात व्यस्त असणाऱ्या सूर्यकुमार यादवने आज संधी आणि वेळ मिळाल्याने या उत्सवाचा आनंद घेतला. प्रताप सरनाईक आणि पूर्वेश सरनाईक यांच्याकडून इथे दही हंडी उत्सवाचं आयोजन केलं जातं.

“प्रो गोविंदाला गेलो होतो. आज हे पाहून काही वेगळचं वाटलं. देसी स्पोर्ट्स आहे. जियो हॉटस्टॉर प्लॅटफॉर्म वेगळाच वाटला. इथे येऊन रिअल थर बघायला मिळताला, नेक्सट टाइम प्रो गोविंदाला अजून चांगलं करतील” असं सूर्यकुमार यादव मीडियाशी बोलताना म्हणाला. “वातावरणात फुल गरमागरमी आहे. एनर्जी, पॅशन भरपूर आहे. मला वाटतं जे बॅकिंग आणि प्लॅटफॉर्म प्रतापदादा, पूर्वेशदादांनी दिलय. मातीतला खेळ आहे. इतका चांगला प्लॅटफॉर्म दिलाय” असं सूर्यकुमार यादव म्हणाला.

इतिहास घडवायचा आहे

“क्रिकेटचं मैदान आवडलं की, गोविंदाचं. सध्या क्रिकेटमधून फ्री आहे, इथे आलोय तर बरं वाटतय” असं सूर्यकुमार यादव म्हणाला. प्रताप सरनाईक यांनी क्रिकेटर सूर्यकुमार यादव यांना मराठी मध्ये बोलण्याची विनंती केली. “प्रो गोविंद पहिला ना तुम्ही? हा देसी खेळ आहे विसरू नका. ऑलिम्पिक पर्यंत जायचे आहे, इतिहास घडवायचा आहे” असं सूर्यकुमार यादव म्हणाला.

श्रुती मराठे काय म्हणाली?

नवी मुंबईत दहीहंडी उत्सवाला अभिनेत्री श्रुती मराठेने भेट दिली. “मला आज आनंद वाटतोय. लहानपणीच्या काही आठवणी देखील जागृत झाल्यात. गोविंदाने काळजी घ्यावी” असं श्रुतीने आवाहन केलं.

संतोष जुवेकर काय म्हणाला?

“दहीहंडीचा उत्सव साजरा होत आहे. गर्दी बघा खूप आहे. उत्साहात दही हंडी साजरी होत आहे. सर्वांनी काळजी घ्यायची आहे, आपल्या सोबत असलेल्या लहान मुलांची काळजी घ्याची आहे. गोविंदाची काळजी घ्यायची आहे. कार्यकर्त्यांनी काळजी घ्यायची आहे. सर्वांना दहीहंडीच्या शुभेच्छा” असं संतोष जुवेकर म्हणाला.