Vaishnavi Hagawane: सुनेच्या मृत्यूनंतर हगवणेंच्या मागे लागली साडेसाती! आणखी एक काळं कांड उघड, थेट बंदुकीने…
वैष्णवी हगवणे प्रकरणात दररोज वेगवेगळे खुलासे होताना दिसत आहेत. हगवणेंचे काळे कांड रोज समोर येत आहेत. आता वैष्णवीचा पती शशांक आणि सासूविरोधात आणखी एक तक्रार दाखल झाली आहे.
पुण्यातील मुळशी येथील वैष्णवी हगवणे प्रकरणात दररोज वेगवेगळी माहिती समोर येत आहे. वैष्णवीच्या आत्महत्येला कारणीभूत असलेले तिचा पती शशांक, सासूबाई, नणंद आणि सासरे हे सर्वजण पोलिस कोठडीत आहेत. त्यांची चौकशी सुरु आहे. दरम्यान, वैष्णवीचा नवरा शशांक आणि त्याची आई लता हगवणे यांचे एक नवं प्रकरण समोर आलं आहे. त्यांच्या विरोधात आणखी एक पोलीस तक्रार दाखल झाली आहे. आता नेमकं त्यांनी काय केलं जाणून घ्या…
नेमकी काय आहे तक्रार?
म्हाळुंगे पोलीस स्टेशनमध्ये वैष्णवी हगवणेचा पती शशांक आणि सासूबाई लता हगवणे यांच्याविरोधात जेसीबी विक्रीच्या नावाखाली फसवणूक केल्याचा गुन्हा दाखल झाला आहे. अडवान्स आणि कर्ज फेडण्यासाठी दिलेलं 11 लाख 70 हजार रुपये हगवणेंनी परत केले नाहीत. उलट पिस्तूलाचा धाक दाखवून ‘आता पैसे मागू नकोस, अन्यथा घरचे नीट राहणार नाहीत’ अशी धमकी दिल्याचे तक्रारीमध्ये म्हटले आहे. हा गुन्हा दाखल झाल्यानंतर पोलिसांनी हगवणेंचा जेसीबी जप्त केला आहे.
महाळुंगे पोलीस घेणार ताब्यात
शशांक हगवणे आणि त्यांची आई लता हगवणे यांच्या दोघां विरोधात महाळुंगे पोलीस ठाण्यात बंदुकीचा धाक दाखवत फसवणूकीचा गुन्हा दाखल आहे. रोपी शशांक हगवणे,लता हगवणे यांनी ज्या जेसीबी संदर्भात फसवणूक केली होती तो जेसीबी महाळुंगे पोलिसांनी जप्त केला आहे. वैष्णवी हगवणे आत्महत्या प्रकरणात येरवडा जेलमध्ये असलेला आरोपी शशांक हगवणे आणि त्याची आई लता हगवणे यांना महाळुंगे पोलीस जेलमधून काढून चौकशीसाठी ताब्यात घेणार आहेत. उद्या दुपारी 3 वाजता त्यांना येरवडा जेलमधून ताब्यात घेत खेड च्या न्यायालयात हजर करणार आहेत.
काय आहे प्रकरण?
मुळशी येथील वैष्णवी हगवणे या महिलेने सासरच्या लोकांच्या छळाला कंटाळून आत्महत्या केली. 16 मे रोजी घडलेल्या या घटनेने संपूर्ण देशात खळबळ माजली. मुलीने उचलल्या पाऊलानंतर वैष्णवीच्या वडिलांनी पती शशांक हगवणे, सासू लता हगवणे, नणंद करिश्मा हगवणे, सासरा राजेंद्र हगवणे आणि दीर सुशील हगवणे यांच्या विरोधात आत्महत्येस प्रवृत केल्याची तक्रार दाखल केली. त्यानंतर पोलिसांनी हगवणे कुटुंबीयांना अटक केली आहे.
