प्रेमविवाहाच्या रागातून नवरदेवाला थेट पेटवून…., येवल्यात लग्नमंडपातच भयंकर प्रकार

Nashik Crime

येवला शहरात भरलग्नात तुफान राडा झाला आहे. प्रेमविवाहाच्या रागातून लग्नमंडपात हाणामारी करण्यात आली आहे. नवरदेव आणि नातेवाईकांना डिझेल टाकून जाळण्याचा प्रयत्न केल्याचा आरोप करण्यात आला आहे. नवरदेव व नवरीच्या नातेवाईकांमध्ये तुंबळ हाणामारी झाली आहे. या हाणामारीत ७ ते ८ जण जखमी झाले आहेत. लग्नातील राड्याचा प्रकार मोबाईल कॅमेऱ्यात कैद. घटनेची माहिती मिळताच येवला शहर पोलिसांची घटनास्थळी धाव घेतली आहे. संशयित आरोपी पोलिसांच्या ताब्यात घेण्यात आले आहेत.

नेमकं काय घडलं?

राज्यात एक हादरवून टाकणारी घटना घडली आहे. प्रेमविवाहाच्या रागात लग्न मंडपातच मोठा राडा झाल्याची घटना घडली आहे. या घटनेने एकच खळबळ उडाली आहे. ही घटना नाशिक जिल्ह्यातील येवला शहरामध्ये घडली आहे. यावेळी ऐन लग्नमंडपामध्ये मोठा राडा होऊन तुंबळ हाणामारी झाली आहे. या हाणामारीदरम्यान थेट नवरदेवालाचा पेटवून देऊन जीवे मारण्याचा प्रयत्त झाल्याचा गंभीर प्रकारचा आरोप करण्यात आला आहे. नवरदेवाच्या नातेवाईकांनाही यावेळी डिझेल ओतून त्यांना जाळून टाकण्याचा प्रयत्न केल्याचा आरोप करण्यात आल्याने याप्रकरणाची सर्वत्र चर्चा सुरु झाली आहे. दरम्यान, या हाणामारीमध्ये तब्बल ७ ते ८ जण जखमी झाल्याची माहिती समोर आली आहे. या सर्व तुंबळ हाणामारीचा प्रकार कॅमेरातही कैद झाला आहे. लग्नातील सर्व राड्याचा व्हिडिओ पोलिसांनाही सुपूर्द करण्यात आला आहे.

सदर प्रकाराची माहिती मिळताच पोलिसांनी घटनास्थळी धाव घेतली आणि कारवाईला सुरुवात केली. येवला शहर पोलिसांकडून या प्रकरणी तातडीची कार्यवाही करण्यात येत आहेय संशयीत आरोपींना ताब्यात घेण्यात आलं आहे. तर दोन्ही बाजूंनी गुन्हा नोंदवण्यासाठी प्रक्रिया सुरु आहे.