अजितदादांच्या निधनाची पहिली बातमी कोणी दिली? गौतमी पाटीलने काय सांगितलं?

Gautami Patil On Ajit Pawar : मला देखील या क्षणाला आत्ताही विश्वास बसत नाहीये की असं काही झालंय आता एवढे दिवस उलटून गेलेत पण संपूर्ण महाराष्ट्रासाठी देखील ही धक्कादायक गोष्ट आहे. जसं मला पहिल्यांदा समजलं की, असं काहीतरी असं झालंय मला आईने सांगितलं सकाळी मी उठले होते. मी आईला म्हटलं की हे काय मी आईला काय बोलतीय आई तू खरं बोलतीय का हे फेक असणार आहे. हे खरं नाहीये असं मी आईला बोलले पण ज्यावेळेस मी स्वत: पाहिलं तेव्हा माझी झोप उडाली. म्हणजे एकदम शॉकिंग बातमी होती. हे माझ्यासाठी खूप धक्कादायक होतं.

अजितदादांनी एतकं मन लावून कामं केलंय. ज्यामध्ये त्यांचं सकाळी लवकर उठून काम करण्याची पद्धत असेल ही लोकांना प्रचंड आवडली. त्यांच्या या कामामुळेच लोकांनी त्यांच्यावर प्रेम केलं आणि दादांनी देखील संपूर्ण महाराष्ट्राच्या मनावर राज्य केलं. परत असा नेता होणे नाही. अजित पवार यांची जागा आता कोणीच घेऊ शकत नाही.

अजितदादांबाबत व्यक्त केली खंत

अजित पवार हे मनमोकळ्या स्वभावाचे होते. त्यांची भाषण करण्याची पद्धत. भाषणामधील त्यांनी केलेले विनोद हे गौतमीने कधी प्रवासा दरम्यान कधी पाहिले आहेत का? असा प्रश्न विचारण्यात आल्यावर गौतमी पाटीलने थेट उत्तर दिलं आहे. गौतमी पाटील म्हणाली की, अजित पवार यांचे भाषण इतर काही गोष्टी मी कधी प्रवासा दरम्यान कधी ऐकल्या नाहीत. याची मला खंत नेहमी असणार आहे. अजित पवारांना मला भेटायचं होतं पण ते झालं नाही. दादांना कधी फोन नाही केला आणि कधी भेटले देखील नाही. पण अजित पवार यांनी मला कायम सपोर्ट केला.

न बोलता, न भेटता देखील अजित पवार यांचं माझ्या बद्दलची प्रतिक्रिया ही माझ्यासाठी खूप महत्त्वाची होती. अजित पवार यांनी प्रत्येक कलाकारांना सपोर्ट केला आहे असं गौतमी पाटीलने म्हटलं आहे.