अरुणाचल प्रदेशात 60 किमी आतपर्यंत चिनी सैनिक घुसले? व्हायरल व्हिडिओमागील सत्य समोर
Viral Video Fact Check : व्हायरल व्हिडिओची पडताळणी केल्यानंतर तो जुना असल्याचे समोर आले आहे. पीआयबीच्या फॅक्ट चेक युनिटनेही या व्हिडिओबाबत सोशल मीडियावर माहिती शेअर केली आहे.
गेल्या काही दिवसांपासून सोशल मीडियावर भारत-बांगलादेश सीमा भागातील एक व्हिडिओ वेगाने व्हायरल होत आहे. या व्हिडिओबाबत सोशल मीडियावर वेगवेगळे दावे केले जात असून, त्यामुळे लोकांमध्ये संभ्रम निर्माण झाला आहे. अरुणाचल प्रदेशात चिनी सैन्य 60 किमी आतपर्यंत घुसले असून, त्यांनी भारतीय जमिनीवर कब्जा केला आहे, असा दावा केला जात आहे. मात्र, या दाव्यात किती तथ्य आहे? हा व्हिडिओ खरोखरच अलीकडील काळातील आहे का? याबाबत सविस्तर माहिती जाणून घेऊयात.
व्हायरल व्हिडिओची पडताळणी केल्यानंतर तो जुना असल्याचे समोर आले आहे. पीआयबीच्या फॅक्ट चेक युनिटनेही या व्हिडिओबाबत सोशल मीडियावर माहिती शेअर केली आहे. पीआयबी फॅक्ट चेकनुसार, हा व्हिडिओ अरूणाचल प्रदेशातील नसून भारत-बांगलादेश सीमा भागातील आहे. असे असतानाही तो नव्या दाव्यांसह शेअर केला जात आहे. त्यामुळे व्हिडिओमध्ये दाखवलेली घटना नुकतीच भारत-बांगलादेश सीमा भागात घडल्याचा गैरसमज निर्माण होत आहे.
फॅक्ट चेकमध्ये काय समोर आले?
पीआयबी फॅक्ट चेकने लोकांना अशा प्रकारच्या दिशाभूल करणाऱ्या सामग्रीपासून सावध राहण्याचे आवाहन केले आहे. सोशल मीडियावर एखादा व्हिडिओ किंवा फोटो केवळ त्यासोबत लिहिलेल्या दाव्याच्या आधारे खरा मानू नये. जुने फोटो आणि व्हिडिओ नव्या घटनांशी जोडून शेअर करणे हा चुकीची माहिती पसरवण्याचा एक सामान्य प्रकार आहे. विशेषतः भारत-बांगलादेश सीमेसारख्या संवेदनशील विषयाशी संबंधित सामग्री शेअर करण्यापूर्वी तिचा स्रोत आणि संदर्भ तपासणे अत्यंत आवश्यक आहे.
⚠️ Fake News Alert!
🚨Several social media accounts are circulating videos falsely claiming that the Chinese Army has entered 60 km inside India. #PIBFactCheck:
❌ This claim is #Fake.
✅ The videos being circulated are unrelated and not from the India-China border.
— PIB Fact Check (@PIBFactCheck) July 7, 2026
फॅक्ट चेकमध्ये स्पष्ट झाले आहे की व्हायरल व्हिडिओ जुना आहे. तो अरूणाचल प्रदेशातील असून आतमध्ये चीनी सैनिक घुसल्याचा दावा केला जात आहे. मात्र हा दावा चुकीचा आहे. त्यामुळे सोशल मीडिया यूजर्सनी असे व्हिडिओ पाहून तातडीने कोणत्याही निष्कर्षापर्यंत पोहोचू नये आणि त्यांची पडताळणी न करता ते पुढे शेअर करू नयेत असे आवाहन करण्यात आले आहे. तसेच कोणत्याही संवेदनशील बातमीची खात्री करण्यासाठी संबंधित सरकारी विभाग आणि अधिकृत स्रोतांकडून मिळालेल्या माहितीवरच विश्वास ठेवा असेही आवाहन करण्यात आले आहे.
