भारताने बनवला असा फायटर जेट, चीन-पाकिस्तानच नव्हे तर अमेरिकाही टेन्शनमध्ये
तेजस MK-1A मध्ये प्रगत मिशन संगणक आहे. तसेच उच्च कार्यक्षमता क्षमता डिजिटल फ्लाइट कंट्रोल कॉम्प्युटर (DFCC Mk-1A), स्मार्ट मल्टी-फंक्शन डिस्प्ले (SMFD), प्रगत इलेक्ट्रॉनिकली स्कॅन केलेले ॲरे (AESA) रडार, प्रगत स्व-संरक्षण जॅमर, इलेक्ट्रॉनिक वॉरफेअर आहेत.
Tejas Fighter Jet: भारत लष्कर गेल्या काही वर्षांत चांगलेच मजबूत झाले आहेत. त्यातच भारताने ‘मेक इन इंडिया’वर अंमलबजावणी लष्करी उत्पादनात सुरु केली आहे. आता लष्कारात विदेशी उत्पादनांचा वापर कमी केला जात आहे. त्यासाठी भारतातील खासगी क्षेत्रालाही लष्करी सामग्रीचे उत्पादन करण्यास परवानगी दिली आहे. भारत युद्धनौका आणि फायटर जेटचे उत्पादन करत आहेत. त्याचा धसका चीन आणि पाकिस्तान या राष्ट्रांनी घेतला आहे. परंतु भारताच्या फायटर जेटचा धसका सुपरपॉवर अमेरिकेनेही घेतला आहे. अमेरिकासुद्धा टेन्शनमध्ये आला आहे. जगातील महाशक्तीला भारताचे लष्करी क्षेत्र मागे टाकण्याची भीती वाटू लागली आहे.
अमेरिकेकडून उशीर, हा शोधला पर्याय
भारताने तेजस MK 1A फायटर जेटसाठी अमेरिकेच्या F404 इंजिनासाठी डील केली होती. त्यानुसार मार्च 2024 मध्ये सहा इंजिन भारताला मिळणार होते. परंतु अमेरिकन फर्म GE एअरोस्पेसकडून अजूनही भारताला इंजिन मिळाले नाही. त्यांनी डिलीव्हरची मुदत वाढवून मार्च 2025 केली. अमेरिकेकडून सातत्याने या इंजिनाच्या डिलीव्हरीत उशीर होत आहे.
हिंदुस्तान टाइम्सच्या रिपोर्टनुसार, सध्या हिंदुस्तान एअरोनॉटिक्स लिमिटेड तेजस MK 1A च्या आरक्षित इंजिनासोबत एअरफोर्सला सप्लाय करु शकते. त्यानंतरत जेव्हा अमेरिकन फर्म GE एअरोस्पेसचे इंजिनाची डिलीव्हरी होईल त्यानंतर इंजिन F404 मध्ये बदलले जाणार आहेत. तेजसचे पहिले MK 1A लढाऊ विमान 31 मार्च 2024 रोजी हवाई दलाकडे सुपूर्द केले जाणार होते. परंतु इंजिन वेळेवर न मिळाल्याने ते लांबले. अमेरिकेची जीई कंपनी 2023-24 या आर्थिक वर्षात एचएएलला सहा इंजिने देणार होती.
अमेरिकेस काय वाटतेय भीती?
अमेरिकेच्या F-16 विमानांना आधीपासूनच चीनच्या JF-17 लढाऊ विमानापासून स्पर्धेचा सामना करावा लागत आहे. त्यानंतर आता भारताचे तेजस MK 1A हे या दोघांपेक्षा जास्त हायटेक फायटर जेट आहे. त्यामुळेच अमेरिकेला भीती वाटत आहे. लष्करी सामग्रीच्या बाजारात भारताच्या फायटरने प्रवेश केल्यानंतर स्पर्धा आणखी वाढेल आणि F-16 च्या विक्रीवर परिणाम होईल. पाकिस्तानसुद्धा अमेरिकेकडून F-16 विमाने घेत असतो.
तेजसचे वैशिट्ये काय, काय…
तेजस MK-1A मध्ये प्रगत मिशन संगणक आहे. तसेच उच्च कार्यक्षमता क्षमता डिजिटल फ्लाइट कंट्रोल कॉम्प्युटर (DFCC Mk-1A), स्मार्ट मल्टी-फंक्शन डिस्प्ले (SMFD), प्रगत इलेक्ट्रॉनिकली स्कॅन केलेले ॲरे (AESA) रडार, प्रगत स्व-संरक्षण जॅमर, इलेक्ट्रॉनिक वॉरफेअर आहेत. भारताचा हे लढाऊ विमान तेजस एमके-1 सारखे आहे. परंतु त्यात इलेक्ट्रॉनिक वारफेयर सूईट, उत्तम AESA राडार, सेल्फ प्रोटेक्शन जॅमर, राडार वॉर्निंग रिसीवर आहे.
