कोरोनावरील उपचारादरम्यान ‘या’ औषधाचा वापर नको, WHO चा डॉक्टरांना महत्वाचा सल्ला

नवी दिल्ली : जागतिक आरोग्य संघटना अर्थात WHO ने कोरोना रुग्णावरील उपचारादरम्यान आयव्हरमेक्टिन या औषधाचा वापर करु नका, असा सल्ला डॉक्टरांना दिला आहे. WHO च्या मुख्य वैज्ञानिक डॉ. सौम्या स्वामीनाथन यांनी याबाबत एक ट्वीट केलं आहे. ‘नव्या लक्षणांसाठी कोणत्याही प्रकारच्या औषधाचा वापर करण्यापूर्वी त्याची सुरक्षा आणि प्रभाव क्षमता तपासणं गरजेचं आहे. WHO क्लिनिकल ट्रायल सोडून कोरोना उपचारासाठी आयव्हरमेक्टिन औषधाच्या वापराला परवानगी देत नाही’, असं स्वामीनाथन यांनी म्हटलंय. (WHO scientists warn’s doctors over ivermectin medicine to treat corona patients)

डॉ. स्वामीनाथन यांनी जर्मनीतील दिग्गज हेल्थकेअर आणि लाईफ सायन्सेस कंपनी मर्क (Merck)चं एक जुनं वक्तव्य ट्विटरवर शेअर केलंय. फेब्रुवारी 2021 मध्ये जारी केलेल्या या वक्तव्यात म्हटलंय की, वैज्ञानिक कोरोनावरील उपचारासाठी आयव्हरमेक्टिनची सुरक्षा आणि प्रभाव क्षमता तपासण्यासाठी सर्व सध्यस्थितीतील आणि नव्या अभ्यासांचं परिक्षण करत आहे. आतापर्यंत कोरोनाविरोधात या औषधाच्या प्रभाव क्षमतेबाबत कोणतंही ठोस प्रमाण मिळालेलं नाही’.

गोवा सरकारकडून आयव्हरमेक्टिनच्या वापराला परवानगी!

मागील दोन महिन्यात दुसऱ्या वेळी WHO ने आयव्हरमेक्टिनच्या वापरावरुन इशारा दिला आहे. यापूर्वी मार्चमध्ये WHO ने सांगितलं होतं की, या औषधाच्या प्रवाभाबाबत खूप कमी प्रमाण मिळालं आहे. दरम्यान, डॉ. सौम्या स्वामीनाथन यांनी हे ट्वीट करण्याच्या एक दिवसापूर्वीच गोवा सरकारने कोरोनावरील उपचारासाठी 18 वर्षावरील रुग्णांवर उपचारासाठी आयव्हरमेक्टिनच्या वापसाचा सल्ला दिला आहे.

Safety and efficacy are important when using any drug for a new indication. @WHO recommends against the use of ivermectin for #COVID19 except within clinical trials https://t.co/dSbDiW5tCW

— Soumya Swaminathan (@doctorsoumya) May 10, 2021

म्युकोरमायकोसिसचा महाराष्ट्रात पहिला बळी

म्युकोरमायकोसिस (mucormycosis) या आजाराने आता ग्रामीण भागातून शहरी भागात शिरकाव केला आहे. ठाणे आणि डोंबिवलीमध्ये म्युकोरमायकोसिसचा प्रत्येकी एक रुग्ण आढळून आले आहेत. यापैकी म्युकोरमायकोसिसची लागण झालेल्या डोंबिवलीतील वृद्धाचा मृत्यू झाला आहे. राज्यात म्युकोरमायकोसिसमुळे झालेला हा पहिला मृत्यू आहे.

मृत व्यक्तीचे नाव बाजीराव काटकर असून ते 69 वर्षांचे होते. डोंबिवलीतील एका खासगी रुग्णालयात म्युकोरमायकोसिसची लागण झालेल्या सात रुग्णांवर उपचार सुरु असल्याचे समजते. रुग्णालय प्रशासनाने यासंदर्भात अधिकृतरित्या काहीही बोलण्यास नकार दिला आहे. मात्र, या रुग्णालयात उपचार घेत असलेल्या बाजीराव काटकर यांचा मृत्यू झाल्याची बाब डॉक्टरांनी खासगीत मान्य केली आहे.

म्युकोरमायकोसिसच धोका वाढला, ठाकरे सरकार सावध; हाफकिनला दिली 1 लाख इंजेक्शन्सची ऑर्डर https://t.co/74ECNCoDW8 #Mucormycosis #CoronavirusIndia #CMUddhavThackeray #haffkine

— TV9 Marathi (@TV9Marathi) May 11, 2021

संबंधित बातम्या : 

केंद्र सरकारचा फाजील आत्मविश्वास ऑक्सिजन तुटवड्याला कारणीभूत, पृथ्वीराज चव्हाणांचा हल्लाबोल

“रुग्णसंख्या वाढली की जनता बेजबाबदार, कमी झाली की सरकारचं यश, अशी दुटप्पी भूमिका का?”

WHO scientists warn’s doctors over ivermectin medicine to treat corona patients