Delhi Sainik School: मुख्यमंत्री केजरीवाल यांनी घेतला महत्वाचा निर्णय, शहीद भगत सिंह यांच्या नावाने उभारण्यात येईल सैनिक स्कूल!
23 मार्च रोजी शहीद भगत सिंह यांचा शहीद दिवस असतो. पंजाबचे मुख्यमंत्री भगवंत मान यांनी मंगळवारी भगत सिंह यांच्या स्मृतीस दिवसानिमित्त 23 मार्च रोजी पंजाबमध्ये सुट्टी घोषित केली आहे. त्याचबरोबर दिल्लीचे मुख्यमंत्री केजरीवाल यांनी देखील म्हटले की ,दिल्ली सरकार लवकरच येणाऱ्या काही दिवसात सैनिक स्कूल उघडणार आहे, ज्याचे नाव शहीद भगत सिंह ठेवले जाईल.
Delhi Sainik School: 23 मार्च रोजी शहीद भगत सिंह यांचा शहीद दिवस असतो. पंजाबचे मुख्यमंत्री भगवंत मान यांनी मंगळवारी भगत सिंह यांच्या स्मृतीस दिवसानिमित्त 23 मार्च रोजी पंजाबमध्ये सुट्टी घोषित केली आहे. त्याचबरोबर दिल्लीचे मुख्यमंत्री केजरीवाल यांनी देखील म्हटले की ,दिल्ली सरकार लवकरच येणाऱ्या काही दिवसात सैनिक स्कूल उघडणार आहे, ज्याचे नाव शहीद भगत सिंह ठेवले जाईल. दिल्लीचे मुख्यमंत्री अरविंद केजरीवाल यांनी मंगळवारच्या दिवशी आयोजित केलेल्या एका प्रेस कॉन्फरन्समध्ये याबद्दल सांगितले. मुख्यमंत्री केजरीवाल (CM Arvind Kejriwal) यांनी सांगितले की,उद्या शहीद-ए-आजम भगत सिंह यांचा स्मृती दिवस म्हणजेच शहीद दिवस (Martyrdom Day March 23) आहे. गेल्या वर्षी आम्ही लोकांना आश्वासन दिले होते की, लवकरच दिल्लीमध्ये असे मिलिटरी स्कूल बनेल. जेथे मुलांना सैन्यात भरती होण्यासाठी आवश्यक असलेले शिक्षण देण्यात येईल.
महत्वाचा निर्णय
दिल्ली चे मुख्यमंत्री केजरीवाल यांनी शहीद-ए-आजम भगत सिंह (Bhagat Singh) यांच्या शहीद दिवस आधी एक मोठी घोषणा केली. त्यांनी भगत सिंह यांच्या नावावर दिल्लीमध्ये एक सैनिक स्कूलची निर्मिती केली जाईल याबद्दलची घोषणा केली. हे स्कूल पूर्णपणे मोफत असेल आणि त्याचबरोबर येथे विद्यार्थ्यांना राहण्याची सोय देखील केली जाईल. या शाळेमध्ये सेनाचे रिटायर्ड ऑफिसर विद्यार्थ्यांना सैन्यामध्ये भरती होण्यासाठी ट्रेनिंग देतील. मुख्यमंत्री अरविंद केजरीवाल यांनी सांगितले की, हे असे सैनिक स्कूल असेल जिथे वेगवेगळ्या लष्करामध्ये जाण्यासाठी आवश्यक दिली जाणारी ट्रेनिंग विद्यार्थ्यांना पुरवली जाईल त्याचबरोबर एकंदरीत या शाळेमध्ये 100- 100 विद्यार्थ्यांची बॅच असेल आतापर्यंत या शाळेमध्ये प्रवेश घेण्यासाठी 18000 अर्ज आले आहेत.
14 एकर जागेव स्कूल
दिल्ली सरकार सैनिक शाळेसाठी झरोदा कलां मध्ये 14 एकर जागेवर ‘शहीद भगत सिंह आर्म्ड फोर्सेज प्रिपरेटरी स्कूल’ बनवत आहे. येथे विद्यार्थ्यांना सशस्त्र बळासाठी आवश्यक असणारे शिक्षण पुरवले जाईल. या शाळेमध्ये विद्यार्थ्यांना मोफत शिक्षण दिले जाईल त्याच बरोबर मुले आणि मुलींसाठी वेगवेगळे हॉस्टेलची उभारणी देखील केली जाईल.
पंजाब मध्ये दिली गेली सुट्टी
भगत सिंह यांच्या स्मृति दिनानिमित्त पूर्ण पंजाब मध्ये सुट्टी घोषित करण्यात आलेली आहे. यापूर्वी फक्त पंजाब मधील नवांशहर येथे शहीद दिवस निम्मित सुट्टी दिली जायची परंतु भगवंत मान यांच्या सरकार ने शहीद दिवस निम्मित नवीन परंपरा सुरू करण्याचा निर्णय घेतला आहे.
इतर बातम्या