AQI
TV9 Network
User
Sign In

By signing in or creating an account, you agree with Associated Broadcasting Company's Terms & Conditions and Privacy Policy.

FASTag वापरताय? बॅलन्स कमी असल्यास टोल नाक्यावर भरावा लागेल दुप्पट टोल; प्रवासाला निघण्यापूर्वी हे नियम जाणून घ्या

FASTag: लांबच्या प्रवासाला निघण्यापूर्वी FASTag चा बॅलन्स, टॅगची सक्रिय स्थिती आणि KYC तपासून घ्या. थोडीशी काळजी घेतल्यास टोल नाक्यावरील अनावश्यक त्रास आणि दुप्पट टोल भरण्याची वेळ टाळता येऊ शकते.

FASTag वापरताय? बॅलन्स कमी असल्यास टोल नाक्यावर भरावा लागेल दुप्पट टोल; प्रवासाला निघण्यापूर्वी हे नियम जाणून घ्या
FASTag वापरणाऱ्यांसाठी महत्त्वाची माहितीImage Credit source: Tv9
| Updated on: Nov 18, 2026 | 11:16 AM
Share

FASTag: आज महामार्गावरून प्रवास करताना FASTag हा वाहनचालकांच्या दैनंदिन जीवनाचा महत्त्वाचा भाग बनला आहे. टोल नाक्यावर थांबण्याची गरज नाही, सुट्ट्या पैशांची कटकट नाही आणि काही सेकंदांत टोलचे पैसे खात्यातून कट होतात. मात्र, अनेकदा प्रवासाच्या घाईत वाहनचालक FASTag चा बॅलन्स तपासायला विसरतात. अशा वेळी टोल नाक्यावर पोहोचल्यानंतर FASTag मध्ये पुरेसा बॅलन्स नसल्याचं लक्षात येतं. यामुळे केवळ प्रवासात अडथळा निर्माण होत नाही, तर खिशालाही आर्थिक फटका बसू शकतो. FASTag मध्ये पैसे कमी असतील तर नेमकं काय होतं? दुप्पट टोल भरावा लागतो का? FASTag ब्लॅकलिस्ट झाल्यास काय करावं? जाणून घ्या महत्त्वाचे नियम.

FASTag मध्ये बॅलन्स कमी असल्यास काय होतं?

FASTag खात्यात टोल भरण्यासाठी पुरेशी रक्कम नसेल, तर संबंधित FASTag लो बॅलन्स किंवा ब्लॅकलिस्ट स्थितीत जाऊ शकतो. अशा परिस्थितीत टोल नाक्यावरील यंत्रणा FASTag द्वारे पैसे स्वीकारू शकत नाही. परिणामी वाहनचालकाला दुसऱ्या पेमेंट पद्धतीने टोल भरावा लागू शकतो. भारतीय राष्ट्रीय महामार्ग प्राधिकरणाच्या (NHAI) माहितीनुसार, खात्यात पुरेसा बॅलन्स नसणे हे FASTag ब्लॅकलिस्ट होण्यामागील प्रमुख कारणांपैकी एक आहे. त्यामुळे बॅलन्स कमी असल्याचा बँकेकडून मेसेज आल्यास त्वरित रिचार्ज करणे आवश्यक आहे.

दुप्पट टोल भरावा लागू शकतो का?

होय. हा नियम वाहनचालकांसाठी महत्त्वाचा आहे. राष्ट्रीय महामार्ग शुल्क नियमांनुसार, वैध आणि कार्यरत FASTag नसलेल्या वाहनाला संबंधित वाहन श्रेणीसाठी लागू असलेल्या टोलच्या दुप्पट रक्कम भरावी लागू शकते. केंद्रीय रस्ते वाहतूक आणि महामार्ग मंत्रालयाने मार्च 2025 मध्ये राज्यसभेत दिलेल्या माहितीतही याची पुष्टी केली होती. ब्लॅकलिस्ट किंवा लो बॅलन्स असलेला FASTag कार्यरत FASTag मानला जात नाही. त्यामुळे टोल नाक्यावर अशा वाहनांना दुप्पट शुल्क लागू होऊ शकते.

FASTag ब्लॅकलिस्ट का होतो?

FASTag ब्लॅकलिस्ट होण्यामागे केवळ कमी बॅलन्स हेच कारण नसतं. वाहनाच्या प्रकाराशी जुळत नसलेला FASTag वापरणं, तो वाहनाच्या पुढील काचेवर व्यवस्थित न लावणं, हातात घेऊन टोल नाक्यावर जाणं, KYC किंवा वाहन पडताळणीची प्रक्रिया अपूर्ण असणं अशा कारणांमुळेही FASTag बंद होऊ शकतो. त्यामुळे रिचार्ज करण्यासोबतच FASTag संबंधित सर्व माहिती अद्ययावत ठेवणं गरजेचं आहे.

FASTag चा बॅलन्स कसा तपासायचा?

वाहनचालकांना My FASTag ॲप किंवा संबंधित बँकेच्या ॲप आणि वेबसाइटवरून FASTag चा बॅलन्स तपासता येतो. My FASTag ॲपमध्ये रंगांच्या माध्यमातून टॅगची स्थिती दाखवली जाते. हिरवा रंग म्हणजे पुरेशा बॅलन्ससह सक्रिय FASTag, नारंगी रंग म्हणजे कमी बॅलन्स आणि लाल रंग म्हणजे ब्लॅकलिस्ट स्थिती.

FASTag रिचार्ज कसा करायचा?

FASTag रिचार्ज करण्यासाठी संबंधित बँकेच्या वेबसाइटचा किंवा ॲपचा वापर करता येतो. नेट बँकिंग, UPI, डेबिट किंवा क्रेडिट कार्डच्या माध्यमातून पैसे जमा करता येतात. काही बँक खात्यांशी जोडलेल्या FASTag साठी ऑटो रिचार्जची सुविधाही उपलब्ध आहे.

Follow Us
साताऱ्यातील तारळी प्रकल्पाचे काम थांबवले; अदानी एनर्जीचे अधिकारी...
साताऱ्यातील तारळी प्रकल्पाचे काम थांबवले; अदानी एनर्जीचे अधिकारी मंत्रालयात...
सातारा जिल्हा बँकेच्या अध्यक्षपदाचा आज फैसला; कोण कोण आहे रिंगणात?
Satara Bank Election : सातारा जिल्हा बँकेच्या अध्यक्षपदाचा आज फैसला; कोण कोण आहे रिंगणात?
श्रद्धांजली वाहीली नाही, तर बाळासाहेबांचं महत्त्व कमी होत नाही; - राऊत
श्रद्धांजली वाहीली नाही, तर बाळासाहेबांचं महत्त्व कमी होत नाही; संजय राऊतांचा भाजपवर पटलवार
बाळासाहेबांचा वारसा हवा, पण हिंदुत्व नको? राहुल गांधींच्या मुद्द्यावरू
बाळासाहेबांचा वारसा हवा, पण हिंदुत्व नको? राहुल गांधींच्या मुद्द्यावरून नवनाथ बनांचा ठाकरे गटाला टोला!
अमित शहा अन् एकनाथ शिंदे यांच्यात महत्त्वाची बैठक; महाराष्ट्राच्या...
अमित शहा अन् एकनाथ शिंदे यांच्यात महत्त्वाची बैठक; महाराष्ट्राच्या राजकारणात चर्चांना उधाण!
गोकुळ दूध महागणार! ग्राहकांना प्रति लिटर 4 रुपये अधिक मोजावे लागणार?
गोकुळ दूध महागणार! ग्राहकांना प्रति लिटर 4 रुपये अधिक मोजावे लागणार? शेतकऱ्यांनाही...
दाऊद इब्राहिमच्या मुंबईतील वडिलोपार्जित घरावर आज बुलडोझर; BMC कडून...
दाऊद इब्राहिमच्या मुंबईतील वडिलोपार्जित घरावर आज बुलडोझर; BMC कडून मोठी कारवाई!
मोठी बातमी! राज्यातील आणखी 4 तालुक्यांत दुष्काळ जाहीर; पहा यादी...
मोठी बातमी! राज्यातील आणखी 4 तालुक्यांत दुष्काळ जाहीर; पहा यादी...
लातूरमध्ये फायनान्स कंपनीच्या रिकव्हरी एजंटची मुजोरी! शेतकऱ्याच्या...
लातूरमध्ये फायनान्स कंपनीच्या रिकव्हरी एजंटची मुजोरी! शेतकऱ्याच्या कुटुंबाला शिवीगाळ, ऑडिओ क्लिप व्हायरल
शिवा संघटनेचे अध्यक्ष राजाभाऊ भिंगे यांना गोळ्या घालून संपवलं, घटने...
Rajabhau Bhinge : शिवा संघटनेचे अध्यक्ष राजाभाऊ भिंगे यांना गोळ्या घालून संपवलं, घटनेमागचं नेमकं कारण समोर?