Strait of Hormuz : अखेर स्ट्रेट ऑफ होर्मूजची कोंडी फुटली, या दोन छोट्या देशांकडून अमेरिकेचा मोठा गेम, ट्रम्प हात चोळत बसले
स्ट्रेट ऑफ होर्मूजमध्ये मोठा तणाव पहायला मिळत आहे. एकीकडे इराणने हा रस्ता बंद केला आहे,तर दुसरीकडे अमेरिकेने देखील होर्मूजच्या सामुद्रधुनीवर नाकेबंदी केली आहे. या सर्व पार्श्वभूमीवर आता मोठी बातमी समोर आली आहे.
अमेरिका आणि इराणमधील संघर्ष आता शिगेला पोहोचला आहे. स्ट्रेट ऑफ होर्मूजमध्ये मोठा तणाव पहायला मिळत आहे. एकीकडे इराणने स्ट्रेट ऑफ होर्मूज बंद केला आहे, तर दुसरीकडे अमेरिकेनं देखील स्ट्रेट ऑफ होर्मूजमध्ये नाकेबंदी केली आहे.स्ट्रेट ऑफ होर्मूज बंद असल्यामुळे संपूर्ण जगभरात मोठं ऊर्जा संकट निर्माण झालं आहे. अनेक जहाजं होर्मजूच्या सामुद्रधुनीमध्ये अडकून पडली आहेत, याचा फटका भारताला देखील मोठ्या प्रमाणात बसत आहे. मात्र आता एक मोठी बातमी समोर आली असून, या बातमीमुळे संपूर्ण जगालाच मोठा दिलासा मिळणार आहे. जगाला आता तेल वाहतुकीसाठी नवा रस्ता खुला होणार आहे.
स्ट्रेट ऑफ होर्मूज बंद असल्यामुळे संपूर्ण जगाची सध्या मोठी अडचण निर्माण झाली आहे, मात्र आता इराक आणि सीरियाने स्ट्रेट ऑफ होर्मूजला नवा पर्याय शोधून काढला आहे. समोर आलेल्या माहितीनुसार आता हा नवा रस्ता तेल वाहतुकीसाठी जगाची नवी लाइफलाईन ठरणार आहे. इराक आणि सीरियामधला हा मार्ग जगासाठी केवळ एक रस्ताच ठरणार नाहीये, तर भविष्यात तेलाच्या राजकारणामधील एक महत्त्वाचा मोड म्हणून समोर येऊ शकतो.
इराक आणि सीरियाने मिळून राबिया-यरुबिया बॉर्डर क्रॉसिंग पुन्हा एकदा सुरू केलं आहे. 2011 मध्ये सीरियात गृहयुद्ध उफाळून आलं होतं, तेव्हापासून हा रस्ता बंद होता. त्यानंतर त्यावर ISIS ने ताबा मिळवला होता. मात्र आता ही बॉर्डर क्रॉसिंग पुन्हा एकदा सुरू करण्यात यश आलं आहे. या मार्गाने समुद्रातून नाही तर रस्त्याने तेलाची वाहतूक आणि इतर वस्तूंची वाहतूक होणार आहे. दरम्यान हा रस्ता आता ओपन झाल्यानं स्ट्रेट ऑफ होर्मूजवरील अवलंबित्व कमी होणार आहे. या मार्गाबाबत बोलताना सीरियाच्या अधिकाऱ्यांनी सांगितलं की, हा रस्ता युद्धादरम्यान एक सुरक्षित मार्ग ठरू शकतो. दरम्यान जर स्ट्रेट ऑफ होर्मूज वाढत्या तणावाच्या पार्श्वभूमीवर अनेक दिवस बंद राहिला तर संपूर्ण जगासाठी हा मार्ग महत्त्वाचा ठरणार आहे.
