काँग्रेसने भाजपचा बडा नेता फोडला, आणखी काही पुढारी वाटेवर; सत्ताधाऱ्यांचं टेन्शन वाढलं

कर्नाटकाच्या राजकारणात मोठा फेरबदल झाला आहे. कर्नाटकात भाजपला मोठा हादरा बसला आहे. भाजपचे माजी आमदार नरेंद्र बीके हरिप्रसाद यांनी मुख्यमंत्री डीके शिवकुमार यांच्या उपस्थितीत काँग्रेसमध्ये प्रवेश केला. नरेंद्र बीके हरिप्रसाद यांनी शनिवारीच भाजपच्या सदस्यत्वाचा राजीनामा दिला होता. त्यानंतर त्यांनी काँग्रेसमध्ये प्रवेश करत असल्याचेही स्षष्ट केले होते. नरेंद्र हरिप्रसाद यांच्यानंतर आणखी काही नेते काँग्रेसच्या वाटेवर असल्याचीही राजकीय वर्तुळात चर्चा आहे.

कर्नाटकातील मुख्यमंत्री डी के शिवकुमार यांनी म्हटलं की, फक्त नरेंद्र बीके हरिप्रसाद नव्हे, तर आणखी काही नेते काँग्रेसच्या संपर्कात आहेत. यात एक राष्ट्रीय राजकारणात सक्रिय असलेला नेत्याचाही समावेश आहे. तर काही जिल्हा पातळीवर काम करणारे नेते देखील काँग्रेसमध्ये प्रवेश करू इच्छित आहेत. त्यांची लवकरच यादी तयार केली जाईल. जे लोक काँग्रेसची विचारधारा आणि पक्षाच्या नेतृत्वावर विश्वास ठेवतात, त्यांना संधी दिली जाईल’.

कर्नाटकातील आणखी काही नेते काँग्रेसच्या वाटेवर 

शिवकुमार यांनी पुढे सांगितले की, राजकीय बदल फक्त नेत्यांपर्यंत मर्यादित ठेवायचा नाही. तर देशात युवक देखील महत्त्वाचे आहेत. ते भरपूर आशेने काँग्रेसकडे पाहत आहेत. युवकांनी भाजपला सलग 13 वर्ष संधी दिली. परंतु आता युवकांना काँग्रेसकडून अपेक्षा आहेत’. डीके शिवकुमार यांनीही तरुणांना काँग्रेसकडे वळवण्यासाठी प्रयत्न सुरू केले आहेत. यावेळी त्यांनी नरेंद्र बाबू यांच्यानंतर आणखी काही नेते काँग्रेसच्या वाटेवर असल्याचा दावा केला. काँग्रेसची विचारधारा मान्य असलेल्यांना पक्षात स्थान दिले जाईल, असे शिवकुमार यांनी स्पष्ट केले.

भाजप का सोडली?

नरेंद्र बाबू हे कर्नाटकात भाजपच्या ओबीसी मोर्चाचे अध्यक्ष होते. त्यांनी शनिवारी भाजप सोडण्याची घोषणा केली. पक्षाच्या कारभारावर नाराजी व्यक्त करत नरेंद्र बाबू यांनी पक्षाच्या सदस्यत्वाचा राजीनामा दिला. खरंतर त्यांनी आधीच 13 सप्टेंबर रोजी काँग्रेसमध्ये प्रवेश करणार असल्याचे संकेत दिले होते. त्यानंतर आज रविवारी मुख्यमंत्री डीके शिवकुमार यांच्या उपस्थितीत काँग्रेसमध्ये प्रवेश करत, आता यापुढे काँग्रेससाठीच काम करणार असल्याचे स्पष्ट केले.