सांगली जिल्हा बँकेच्या निवडणुकीवरून राजकारण तापलं, पडळकरांच्या गटातील मतदाराच्या अपहरणाचा आरोप; तिघांवर गुन्हा

सांगली जिल्हा बँक निवडणुकीवरून राजकीय वातावरण तापलं आहे. भाजप आमदार गोपीचंद पडळकर यांच्या जत सोसायटी गटातील मतदाराच्या कथित अपहरण प्रकरणी काँग्रेसचे माजी आमदार विक्रम सावंत यांच्यासह इतरांवर गुन्हा दाखल झाला. सावंत यांनी पडळकरांवर पराभवाच्या भीतीने खोटे गुन्हे दाखल केल्याचा आरोप करत राजकारण पेटवले आहे. यामुळे जिल्हा बँक निवडणुकीतील संघर्ष आणखी तीव्र झाला आहे.

manasi mande | Updated on: Oct 29, 2026 | 5:12 PM

शंकर देवकुळे, रिपोर्टर : सांगली जिल्हा मध्यवर्ती सहकारी बँकेच्या निवडणुकीवरून जिल्ह्यातील राजकीय वातावरण चांगलंच तापलं आहे. भाजप आमदार गोपीचंद पडळकर यांच्या जत सोसायटी गटातील एका मतदाराच्या कथित अपहरण प्रकरणामुळे राजकीय वर्तुळात खळबळ उडाली आहे. या प्रकरणी काँग्रेसचे माजी आमदार विक्रम सावंत, उमेदवार विनोद पवार आणि बाजार समितीचे माजी सभापती सुजय शिंदे यांच्याविरोधात उमदी पोलीस ठाण्यात गुन्हा दाखल करण्यात आला आहे.

या घटनेनंतर माजी आमदार विक्रम सावंत यांनी आमदार गोपीचंद पडळकर यांच्यावर जोरदार टीका केली आहे. जिल्हा बँकेच्या निवडणुकीत पराभवाची शक्यता दिसू लागल्याने पडळकर अस्वस्थ झाले आहेत, असा आरोप सावंत यांनी केला. तसेच, कोणत्याही प्रकारचे अपहरण झालेले नसताना पोलिसांना हाताशी धरून खोटे गुन्हे दाखल करण्यात आल्याचा दावाही त्यांनी केला आहे. त्यामुळे या प्रकरणावरून सांगलीतील राजकीय संघर्ष अधिक तीव्र झाला आहे.

नेमकं प्रकरण काय?

सांगली जिल्हा मध्यवर्ती सहकारी बँकेची निवडणुकीत आतापर्यंत 16 जागा बिनविरोध झाल्या असून, पाच जागांसाठी निवडणूक होत आहे. यामध्ये आमदार गोपीचंद पडळकर यांच्या जत सोसायटी गटाचाही समावेश आहे.

या गटातील एका मतदाराचे अपहरण झाल्याचा आरोप करण्यात आला. त्यानंतर काँग्रेसचे माजी आमदार विक्रम सावंत, उमेदवार विनोद पवार आणि बाजार समितीचे माजी सभापती सुजय शिंदे यांच्याविरोधात उमदी पोलीस ठाण्यात गुन्हा दाखल करण्यात आला. या घटनेमुळे निवडणुकीच्या पार्श्वभूमीवर राजकीय वातावरण ढवळून निघालं आहे.

‘खोटे गुन्हे दाखल केले’; विक्रम सावंत यांचा आरोप

या प्रकरणावर प्रतिक्रिया देताना विक्रम सावंत यांनी गोपीचंद पडळकर यांच्यावर निशाणा साधला. निवडणुकीत पराभव होण्याची भीती निर्माण झाल्यामुळेच हा प्रकार घडवून आणल्याचा आरोप त्यांनी केला. मतदाराचे अपहरण झालेले नसतानाही पोलिसांच्या मदतीने खोटे गुन्हे दाखल करण्यात आल्याचे सावंत यांनी म्हटले. त्यांच्या या आरोपांमुळे प्रकरणाला राजकीय रंग चढला असून, आता याप्रकरणी दोन्ही बाजूंकडून काय भूमिका मांडली जाते, याकडे लक्ष लागलं आहे

LIVETV