कोण आहे इंद्रीचा मालक, बाटलीच्या लोगो मागचे रहस्य काय ?
हा वाद केवळ एका लोगोपर्यंत मर्यादित नाही, तर त्या सामाजिक स्मृतीला दर्शवते जी दिल्ली हादरवणाऱ्या एका भयानक हत्याकांडशी जोडलेली आहे. हा एक उदयोन्मुख असलेला ग्लोबल ब्रँड आहे.दुसरीकडे ही एका अशा पीडितेची कहानी आहे जिला लोक आजही विसरलेले नाहीत.
जेसिका लाल हत्याकांड प्रकरण मागे खूप चर्चेत आले होते. या प्रकरणाने भारतातील न्याय व्यवस्था सत्तेचा दुरुपयोग आणि साक्षीदारांच्या सुरक्षेवर प्रश्न उपस्थित केले होते. साल १९९९ मध्ये दिल्लीतील एक पबमध्ये काम करणाऱ्या जेसिका लाल हीची गोळ्या घालून हत्या झाली होती. दारु देण्यास मना केल्याने एका श्रीमंत खानदानातील लाडात वाढलेला तरुण मनु शर्मा याने तिच्यावर गोळ्या चालवल्याचा आरोप झाला होता.आरोपीची ओळख पटली, परंतू सत्ता, पैसा आणि दबावामुळे साक्षीदार उलटले आणि पुरावे कमजोर झाले.
साल २००६ मध्ये कोर्टाने मनु शर्माला निर्दोष मुक्त केले. या निकालाने संपूर्ण देशात संतापाची लाट निर्माण झाली. न्यायाला विकत घेता येते का ? सारखे प्रश्न निर्माण झाले. मीडियाच्या आणि जनतेच्या दबावाने अखेर हा खटला पुन्हा ओपन करण्यात आला. अखेर मनु शर्मा याला दोषी ठरवण्यात आले. मात्र, त्याला झाली शिक्षा संपल्यानंतर मनु शर्मा बाहेर आला आणि नंतर पीडितेला न्याय मिळाला.
प्रीमियम इंडियन सिंगल मॉल्ट व्हिस्की
अलिकडच्या वर्षात हे प्रकरण पुन्हा चर्चेत आले आहे. मनु शर्मा याच्या कुटुंबाशी संबंधित Piccadilly Group कुटुंबाने लाँच केलेल्या प्रीमियम इंडियन सिंगल माल्ट ब्रँड Indri ने आंतरराष्ट्रीय पातळीवर ओळख निर्माण झाली आहे. ब्रँडच्या लोगोत असलेल्या लाल टीकलीने सोशल मीडियावर चर्चेला तोंड फुटले आहे. काही लोकांचे म्हणणे आहे की ब्रँडमधील ही टीकली जेसिका लाल हिच्या फोटोतील टीकलीशी मिळती जुळती आहे. त्यामुळे हे प्रकरण चर्चेत आहे.
ब्रँडचे डिझाईन
वास्तविक, हे स्पष्ट करणे गरजेचे आहे की या ब्रँडचे डिझाईन जाणून बुजून कोणा घटनेशी संबंधित असल्याचा पुरावा समोर आला आहे. तज्ज्ञांचे असे म्हणणे आहे की ब्रँडींगमध्ये अशी प्रतिके सामान्य डिझाईन एलिमेंट देखील असू शकते. तरीही भारतासारख्या देशात जेथे प्रतिक आणि भावना जोडलेल्या असतात. तेथे यासारखी समानता लोकांच्या मनात प्रश्न निर्माण करते.
उदयोन्मुख ग्लोबल ब्रँड
हा वाद केवळ एका लोकांपर्यंत मर्यादित नाही. त्याऐवजी त्या सामाजिक स्मृतीला दर्शवतात ज्या जेसिका लाल सारख्या प्रकरणाशी संबंधित आहेत. एकीकडे एक उदयोन्मुख असलेला ग्लोबल ब्रँड आहे आणि दुसरीकडे एक अशा पीडितेची कहाणी आहे ज्यास अनेक लोक विसरलेले नाही. ही चर्चा आपल्याला हे स्पष्ट करते की न्याय केवळ कोर्टाच्या निकालांनी नव्हे तर समाजाची संवेदनशीलता आणि स्मृतीशी देखील जोडलेला असू शकतो.
