चाकरी केली सिल्व्हर ओकची, भाकरी खाल्ली मातोश्रीची! शीतल म्हात्रेंची राऊतांवर टीका

संजय राऊत यांच्या राजकीय भूमिकेवरून भाजपच्या नेत्या शीतल म्हात्रे यांनी त्यांच्यावर तीव्र शब्दांत टीका केली आहे. राऊत यांनी सिल्व्हर ओकची चाकरी केली आणि मातोश्रीची भाकरी खाल्ली, असा बोचरा आरोप म्हात्रे यांनी केला आहे. सध्या राऊत ज्यांच्यासोबत आहेत, त्या उबाठा गट, मनसे आणि शरदचंद्र पवार गट या सर्वांना त्यांनी अडचणीत आणले असल्याचेही म्हात्रे म्हणाल्या.

संजय राऊत यांची खासदारकीची मुदत आता संपत येत असून, त्यांना माननीय एकनाथ शिंदे साहेबांच्या कृपेने ती मिळाली होती, असेही म्हात्रे यांनी नमूद केले. सध्या राऊत हे शिंदे साहेबांसमोर जाण्याची हिंमत नसल्यामुळे आमच्याच नगरसेवकांना मस्का मारत असल्याचा दावा म्हात्रेंनी केला आहे. आपल्या राजकीय भविष्यासाठी पुन्हा खासदारकी मिळवण्यासाठी ते नगरसेवकांमार्फत शिंदे साहेबांपर्यंत पोहोचण्याचा प्रयत्न करत असल्याचा आरोप म्हात्रे यांनी केला आहे.