‘अहंकारी नेत्याला धडा शिकवण्याची वेळ’, ज्योतिरादित्य शिंदे यांचा कमलनाथ यांच्यावर हल्लाबोल
काँग्रेसचे दिग्गज नेते आणि माजी मुख्यमंत्री कमलनाथ यांनी भाजपच्या महिला उमेदवारावर आक्षेपार्ह शेरेबाजी केल्याने मोठा वाद तयार झाला आहे.
भोपाळ : बिहार विधानसभा निवडणुकीसोबतच देशात उत्तर प्रदेश आणि मध्य प्रदेशसह अनेक राज्यांमध्ये पोटनिवडणुकाही होत आहेत. मध्य प्रदेशच्या पोटनिवडणुकीत काँग्रेस आणि भाजप आमनेसामने आहेत. त्यातच आता काँग्रेसचे दिग्गज नेते आणि माजी मुख्यमंत्री कमलनाथ यांनी भाजपच्या महिला उमेदवारावर आक्षेपार्ह शेरेबाजी केल्याने मोठा वाद तयार झाला आहे. भाजपने कमलनाथ यांच्यावर सडकून टीका केली आहे (Jyotiraditya Shinde Scindia Shivraj Singh criticize Kamalnath for controversial statement).
मध्य प्रदेशच्या डबरा मतदारसंघात काँग्रेसकडून सुरेंद्र राजेश उमेदवार आहेत. त्यांच्या प्रचारासाठी आले असताना माजी मुख्यमंत्री कमलनाथ म्हणाले, “‘सुरेंद्र राजेश आमचे उमेदवार आहेत. ते सरळ साध्या स्वभावाचे आहेत. ते त्यांच्यासारखे नाहीत, काय आहे त्यांचं नाव? मी त्यांचं काय नाव घेऊ, तुम्ही तर त्यांना माझ्यापेक्षा चांगलं ओळखता. तुम्ही तर मला आधीच सावध करायला हवं होतं, ‘काय आयटम आहे’.”
इमरती देवी माजी आमदार असून त्यांनी ज्योतिरादित्य शिंदे यांच्यासोबतच काँग्रेसमधून भाजपमध्ये प्रवेश केला. त्या ज्योतिरादित्य शिंदे यांच्या कट्टर समर्थक मानल्या जातात.
‘आयटम शब्दप्रयोग करुन कमलनाथ यांचे सामंतवादी विचार उघड’
कमलनाथ यांच्या आक्षेपार्ह शेरेबाजीवर मध्य प्रदेशचे मुख्यमंत्री शिवराज सिंह चव्हाण यांनी जोरदार टीका केली. ते म्हणाले, “कमलनाथजी इमरती देवी या एका गरीब शेतकऱ्याच्या मुलीचं नाव आहे जिने मोलमजुरी करुन सुरुवात केली. आज त्या राष्ट्रउभारणीच्या कामात आपलं योगदान देत आहेत. काँग्रेसने मला ‘भुकेला-नग्न’ म्हटलं आणि आता एका महिलेसाठी ‘आयटम’ शब्दप्रयोग करुन त्यांचे सामंतवादी विचार उघड झाले आहेत.”
कमलनाथ जी!
इमरती देवी उस गरीब किसान की बेटी का नाम है जिसने गाँव में मजदूरी करने से शुरुआत की और आज जनसेवक के रूप में राष्ट्रनिर्माण में सहयोग दे रही हैं।
कांग्रेस ने मुझे ‘भूखा-नंगा’ कहा और एक महिला के लिए आपने ‘आइटम’ जैसे शब्द का उपयोग कर अपनी सामंतवादी सोच फिर उजागर कर दी।
— Shivraj Singh Chouhan (@ChouhanShivraj) October 18, 2020
“स्वतःला ‘मर्यादा पुरुषोत्तम’ म्हणवणारे अशा ‘बेताल भाषेचा’ उपयोग करत आहेत? नवरात्रीच्या पवित्र पर्वात नारीची पूजा केली जात आहे. अशात तुमच्या या शेरेबाजीतून तुमची खालच्या स्तरातील मानसिकता दिसते. तुम्ही तुमचे शब्द मागे घ्यावेत आणि इमरती देवी यांच्यासह मध्य प्रदेशच्या प्रत्येक मुलीची माफी मागावी,” अशीही मागणी शिवराज सिंह यांनी केली.
अहंकारी नेत्याला धडा शिकवण्याची वेळ : ज्योतिरादित्य शिंदे
एक गरीब और मजदूर परिवार से आगे आईं दलित नेता इमरती देवी जी को आज डबरा में आइटम और जलेबी कहना अत्यंत निंदनीय और आपत्तिजनक है – ये कमलनाथ जी की मानसिकता को भी दर्शाता है। महिलाओं के साथ ही समूचे दलित समाज का अपमान करने वाले ऐसे मगरूर नेता को सबक सिखाने का समय आ गया है I pic.twitter.com/ipz2jCYkOV
— Jyotiraditya M. Scindia (@JM_Scindia) October 18, 2020
कमलनाथ यांच्या वक्तव्यांवर बोलताना भाजप नेते ज्योतिरादित्य शिंदे म्हणाले, “एका गरीब आणि मजुर कुटुंबातून पुढे आलेल्या दलित नेत्या इमरती देवी यांच्यासाठी डबरा येथे आयटम आणि जलेबी असे अत्यंत निंदास्पद आणि आक्षेपार्ह शब्दप्रयोग झाले. यातून कमलनाथ यांची मानसिकता दिसते. महिलांसह संपूर्ण दलित समाजाचा अपमान करणाऱ्या या अहंकारी नेत्याला धडा शिकवण्याची वेळ आली आहे.”
संबंधित बातम्या :
MP congress crisis | राहुल गांधींचा हुकमी एक्का मोदींच्या भेटीला, मध्य प्रदेशात काँग्रेस संकटात
कमलनाथ सरकार संकटात, मध्य प्रदेशातील 20 मंत्र्यांचे राजीनामे
Jyotiraditya Shinde Scindia Shivraj Singh criticize Kamalnath for controversial statement
