Corona Cases in India | देशात कोरोनाग्रस्तांची संख्या पुन्हा साडेतीन लाखांच्या पार, कोरोनाबळीही 4100 वर
गेल्या 24 तासात भारतात 3 लाख 62 हजार 727 नव्या कोरोनाबाधित रुग्णांची नोंद झाली आहे. (New Corona Cases in India)
नवी दिल्ली : देशात कोरोनाग्रस्तांच्या रुग्णसंख्येत पुन्हा एकदा वाढ (Corona Cases in India) पाहायला मिळत आहे. गेल्या 24 तासात साडेतीन लाखांहून अधिक नवीन रुग्ण सापडले आहेत. आदल्या दिवशीच्या तुलनेत रुग्णसंख्येत जवळपास 14 हजारांनी वाढ झाली आहे. कालच्या दिवसात 3 लाख 62 हजार 727 नवीन कोरोना बाधित रुग्णांची नोंद झाली आहे. तर तब्बल 4 हजार 120 कोरोनाग्रस्तांना प्राण गमवावे लागले. गेले सलग दोन दिवस नव्या कोरोनाबाधित रुग्णांची संख्या वाढताना दिसत आहे (New 362727 Corona Cases in India in the last 24 hours)
24 तासातील आकडेवारी
गेल्या आठवड्यात 24 तासातील कोरोना रुग्णसंख्या सातत्याने चार लाखांचा टप्पा ओलांडताना दिसत होती. त्यानंतर सलग दोन दिवस कोरोना रुग्णसंख्येत मोठी घट पाहायला मिळत होती. मात्र पुन्हा एकदा कोरोना रुग्णसंख्येत काहीशी वाढ दिसत आहे. गेल्या 24 तासात भारतात 3 लाख 62 हजार 727 नव्या कोरोनाबाधित रुग्णांची नोंद झाली आहे. तर 4 हजार 120 रुग्णांना प्राण गमवावे लागले. दिलासादायक बाब ही, की कालच्या दिवसात देशात 3 लाख 52 हजार 181 जण कोरोनामुक्त होऊन घरी परतले.
आतापर्यंतची आकडेवारी
भारतातील एकूण कोरोनाग्रस्तांचा आकडा 2 कोटी 37 लाख 3 हजार 665 वर गेला आहे. आतापर्यंत 2 लाख 58 हजार 317 रुग्णांनी कोरोनामुळे प्राण गमावले आहेत. देशात 1 कोटी 97 लाख 34 हजार 823 रुग्ण बरे झाले आहेत. तर 37 लाख 10 हजार 525 इतके सध्याच्या घडीला सक्रिय रुग्ण आहेत.
आतापर्यंत कोरोना लसीकरण झालेल्या देशातील नागरिकांची संख्या 17 कोटी 72 लाख 14 हजार 256 इतकी असल्याची माहिती केंद्रीय आरोग्य मंत्रालयाने दिली आहे.
देशातील कोरोना रुग्ण आकडेवारी
देशात 24 तासात नवे रुग्ण – 3,62,727
देशात 24 तासात डिस्चार्ज – 3,52,181
देशात 24 तासात मृत्यू – 4,120
एकूण रूग्ण – 2,37,03,665
एकूण डिस्चार्ज – 1,97,34,823
एकूण मृत्यू – 2,58,317
एकूण अॅक्टिव्ह रुग्ण – 37,10,525
आतापर्यंत लसीकरण झालेली संख्या – 17,72,14,256
India reports 3,62,727 new #COVID19 cases, 3,52,181 discharges and 4,120 deaths in the last 24 hours, as per Union Health Ministry
Total cases: 2,37,03,665 Total discharges: 1,97,34,823 Death toll: 2,58,317 Active cases: 37,10,525
Total vaccination: 17,72,14,256 pic.twitter.com/2hCw318J4T
— ANI (@ANI) May 13, 2021
संबंधित बातम्या :
आणखी एका नव्या औषधासाठी चार कंपन्या एकत्र, कोरोना रुग्ण लवकर ठीक होत असल्याचा दावा
(New 362727 Corona Cases in India in the last 24 hours)
