PHOTO : पंतप्रधान नरेंद्र मोदी यांचे पॅरीस विमानतळावर जोरदार स्वागत, फ्रान्सच्या पंतप्रधान एलिझाबेथ बोर्न यांची उपस्थिती
पंतप्रधान मोदी यांच्या स्वागतासाठी रेड कॉर्पेट अंथरण्यात आले होते.उद्या होणाऱ्या नॅशनल डेच्या परेडच्या विशेष अतिथी म्हणून पंतप्रधान मोदी यांना आमंत्रित करण्यात आलंय.
पंतप्रधान नरेंद्र मोदी यांचे पॅरीस विमानतळावर स्वागत करण्यात आले. फ्रान्सच्या पंतप्रधान एलिझाबेथ बोर्न यांनी भारताचे पंतप्रधान नरेंद्र मोदी यांचे विमानतळावर स्वागत केले. पंतप्रधान मोदी यांना गार्ड ऑफ ऑनर करण्यात आले.
भारताचं राष्ट्रीय गीत तिथं वाजवण्यात आलं. पंतप्रधान मोदी यांच्या स्वागतासाठी रेड कॉर्पेट अंथरण्यात आले होते.उद्या होणाऱ्या नॅशनल डेच्या परेडच्या विशेष अतिथी म्हणून पंतप्रधान मोदी यांना आमंत्रित करण्यात आलंय.
फ्रान्सचे राष्ट्राध्यक्ष इमॅन्यूएल मॅक्रॉन यांच्या निमंत्रणावरून पंतप्रधान नरेंद्र मोदी १३ आणि १४ जुलैदरम्यान पॅरीसला भेट देत आहेत. यानिमित्त पंतप्रधान मोदी हे फ्रान्सच्या राष्ट्रपतींसोब स्नेहभोज घेणार आहेत.
या दौऱ्यात भारतीय सशस्त्र दलाच्या तिन्ही सैनेच्या तुकड्या सहभागी झाल्यात. भारत-फ्रान्स धोरणात्मक भागीदारीचे २५ वे वर्ष आहे. त्यामुळे भविष्यातील भागीदारीचा रोडमॅप तयार करण्याची संधी मिळेल, अशी अपेक्षा आहे.
१४ वर्षांनंतर पहिल्यांदा भारताचे पंतप्रधान फ्रान्सच्या नॅशनल डे परेडमध्ये सहभागी होत आहेत. पंतप्रधान मोदी यांच्या फ्रान्स दौऱ्यात महत्त्वाच्या करारावर स्वाक्षरी होणार आहे. संरक्षण क्षेत्रातील महत्त्वाच्या राफेल-एमच्या कराराकडे सर्वांचं लक्ष लागलंय.
