BRICS Summit : शी जिनपिंग यांना भारतात बोलावून मोदींनी चांगलंच सुनावलं, चीनला उघड उघड थेट मोठा इशारा

भारतामध्ये ब्रिक्स शिखर परिषदेचं आयोजन करण्यात आलं आहे. या शिखर परिषदेचा आज दुसरा आणि शेवटचा दिवस आहे. या ब्रिक्स शिखर परिषदेमध्ये बोलताना पंतप्रधान नरेंद्र मोदी यांनी कोणत्याही देशाचं नाव न घेता रेअर अर्थ खनिजांच्या वापरावरून आणि त्यावर असलेल्या चीनच्या मक्तेदारीवरून उघड-उघड मोठा इशारा दिला आहे. रेअर अर्थ खनिजांचा वापर हा शस्त्रासारखा करू नका, असं पंतप्रधान नरेंद्र मोदी यांनी म्हटलं आहे. विशेष म्हणजे जेव्हा पंतप्रधान नरेंद्र मोदी ब्रिक्स शिखर परिषदेमध्ये बोलत होते, तेव्हा तिथे समोरच चीनचे राष्ट्रपती शी जिनपिंग देखील बसलेले होते.

रेअर अर्थ खनिजांच्या वापरावर कोणत्याही एका देशाची मक्तेदारी असता कामा नये, रेअर अर्थ खनिजांच्या वापरासंदर्भात सर्वसमावेशकता असावी, असं पंतप्रधान नरेंद्र मोदी यांनी शी जिनपिंग यांच्यासमोरच म्हटलं आहे. पंतप्रधान नरेंद्र मोदी यांनी यावेळी बोलताना कोणत्याही देशाच नाव न घेता रेअर अर्थ खनिजांवरून इशारा दिला आहे, मात्र हा इशारा चीनसाठीच असल्याचं मानलं जात आहे. कारण सध्या रेअर अर्थ खनिजांवर संपूर्णपणे चीनची मक्तेदारी आणि एकाधिकार शाही असल्याचं दिसून येत आहे.

जगात जेवढं रेअर अर्थ खनिज आहे, त्यापैकी 90 टक्के रेअर अर्थ खनिज हे चीनकडे आहे. त्यामुळे या क्षेत्रात चीनचा चांगलाच दबदबा आहे. या रेअर अर्थ खनिजांचा वापर, सेमीकंडक्टर, इलेक्ट्रिक व्हेकल्स ईव्ही, एआय डेटा सेंटरसाठी केला जातो. मात्र यावर चीनचा एकाधिकार आहे, दरम्यान यावरूनच आता भारताने चीनला अप्रत्यक्ष इशारा दिला आहे.पंतप्रधान नरेंद्र मोदी यांनी कोणत्याही देशाचं नाव न घेता रेअर अर्थ खनिजांच्या वापरावरून आणि त्यावर असलेल्या चीनच्या मक्तेदारीवरून उघड-उघड आपली भूमिका जाहीर केली आहे.

दरम्यान अमेरिकेनं जेव्हा चीनसोबत टॅरिफ वॉर सुरू केलं होतं. अमेरिकेचे राष्ट्राध्यक्ष डोनाल्ड ट्रम्प यांनी जेव्हा चीनवर भरमसाठ टॅरीफ लावला होता. तेव्हा देखील चीनकडून अमेरिकेला होणारा रेअर अर्थ खनिजांचा पुरवठा थांबवण्यात आला होता. त्यामुळे अमेरिकेची मोठी कोंडी झाली होती.