भाजप आमदाराच्या पीएची पत्नी निवडणूक हल्यानंतर ४ गावांतील बत्ती गुल, थेट पथदिवेच काढले
राजस्थानमध्ये निवडणुकीतील पराभवानंतर भाजप आमदाराच्या PA च्या पत्नीशी संबंधित गावांमधील 50 Street Lights काढल्याचा आरोप झाला आहे. चार गावांतील नागरिकांना अंधाराचा सामना करावा लागल्याने मोठा वाद निर्माण झाला. नेमकं प्रकरण काय?

आमदाराच्या PA ची पत्नी निवडणूक हरली, अन् 4 गावांतील 50 Street Lights काढल्या! राजस्थानमध्ये नेमकं काय घडलं?
निवडणुकीत पराभव झाला म्हणून गावातील नागरिकांना अंधारात ठेवण्याचा प्रकार घडल्याचा आरोप राजस्थानमध्ये करण्यात आला आहे. भाजप आमदाराच्या PA ची पत्नी पंचायत समिती सदस्यपदाची निवडणूक हरल्यानंतर अवघ्या काही तासांत गावांमधील Street Lights काढण्याची कारवाई सुरू झाली. टोंक जिल्ह्यातील या घटनेमुळे राजकीय वर्तुळात मोठी चर्चा सुरू झाली आहे. विशेष म्हणजे, या प्रकरणात सुमारे 50 LED Street Lights चा मुद्दा उपस्थित झाला आहे.
नेमकं प्रकरण काय?
हे संपूर्ण प्रकरण राजस्थानमधील टोंक जिल्ह्यातील पीपलू पंचायत समितीशी संबंधित आहे. येथील Ward क्रमांक 4 मधील रणोली ग्रामपंचायतीअंतर्गत येणाऱ्या कुम्हारों की ढाणी, बेगमपुरा, हनीफगंज आणि बीजलपुरा या चार गावांमध्ये Street Lights लावण्यात आल्या होत्या. निवडणुकीच्या साधारण महिनाभर आधी म्हणजेच दिवाळीच्या काळात या परिसरातील विजेच्या खांबांवर जवळपास 50 LED Lights बसवण्यात आल्या होत्या.
या निवडणुकीत निवाईचे भाजप आमदार रामसहाय वर्मा यांचे PA आलोक शर्मा यांच्या पत्नी प्रियंका शर्मा यांनी पंचायत समिती सदस्यपदासाठी निवडणूक लढवली होती. मात्र, त्यांना पराभवाचा सामना करावा लागला. त्यानंतर गावांमधील Street Lights काढण्याची कारवाई सुरू झाल्याचा आरोप स्थानिक नागरिकांनी केला आहे.
10 खांबांवरील Lights काढल्या, 40 बाबत निर्णय थांबला
निवडणुकीचा निकाल जाहीर झाल्यानंतर जयपूर विद्युत वितरण निगम लिमिटेडची (JVVNL) टीम गावात पोहोचली. नागरिकांनी विरोध केला असतानाही टीमने कुम्हारों की ढाणीमधील जवळपास 10 खांबांवरील Street Lights काढल्या. उर्वरित 40 खांबांवरील Lights काढण्याची कारवाई मात्र नवनिर्वाचित सरपंचांनी वीजबिल भरण्याची तयारी दर्शवल्यानंतर थांबवण्यात आली.
वीज विभागाचा वेगळाच दावा
दुसरीकडे, वीज विभागाने या कारवाईमागे वेगळे कारण दिले आहे. या Lights विजेच्या खांबांवर अनधिकृतपणे जोडण्यात आल्याचे तपासात समोर आल्याचा दावा अधिकाऱ्यांनी केला आहे. या प्रकरणाची चौकशीही सुरू करण्यात आली आहे. दरम्यान, आमदार रामसहाय वर्मा यांनी निवडणुकीतील पराभवाचा आणि Lights काढण्याच्या कारवाईचा संबंध नसल्याचे स्पष्ट केले आहे. त्यामुळे या प्रकरणातील सत्य चौकशीनंतरच समोर येणार आहे.