मामीलाच सांगतो…; मामा-भाचा एकाच महिलेच्या प्रेमात, नंतर जे घडलं पोलिसांच्या पायाखलची जमीनच सरकली
एक धक्कादायक प्रकरण समोर आले आहे. मामा आणि भाचा एका महिलेच्या प्रेमात होते. त्यानंतर भाच्याने मामाला धमकी दिली होती. या धमक्यांना कंटाळून मामाने सख्या भाच्याचा काटा काढला आहे. नेमकं काय घडलं जाणून घ्या...
नाथनगर पोलीस ठाण्याच्या हद्दीत एक अशी घटना घडली, जी बहिण-भाऊ आणि मामा-भाच्याच्या नात्याला कलंक लावणारी ठरली. अवैध संबंधांमुळे २३ वर्षीय तरुणाची त्याच्याच सख्या मामाने हत्या केली आहे. कारण ठरले एक महिला. तिच्यामुळे एका आईला आपल्या मुलापासून कायमचे दूर केले. बिहार पोलिसांनी ७ दिवसांपूर्वी घडलेल्या खुनाचा उलगडा केला आहे.
ही कहाणी सख्या मामा आणि भाच्याची आहे. या प्रकरणात भाच्याचा जीव गेला आहे. मामाने भाच्याच्या शरीराचे अनेक तुकडे करून ते वेगवेगळ्या ठिकाणी फेकून दिले. आश्चर्याची बाब म्हणजे, हत्या केल्यानंतर आरोपी मामा स्वतः पोलीस ठाण्यात जाऊन भाच्याच्या बेपत्ता होण्याची तक्रारही दाखल करतो. पण पोलिसांच्या नजरेत मामाचे कृत्य लपले नाही. जाणून घ्या, या खुनाचा पर्दाफाश कसा झाला आणि खूनी मामा कायद्याच्या जाळ्यात कसा सापडला?
बिहारमधील भागलपुर जिल्ह्यातील पोलिसांनी भाच्याच्या हत्येतील मास्टरमाइंड मामा संतोष कुमारसह एकूण चार आरोपींना अटक केली आहे. ही कहाणी २३ डिसेंबर २०२५ पासून सुरू होते. २३ वर्षीय अभिषेक कुमार अचानक बेपत्ता झाला. २४ डिसेंबरला त्याच्या सख्या मामाने संतोष कुमारने नाथनगर ठाण्यात लेखी तक्रार दाखल केली. संतोषने पोलिसांना सांगितले की, अभिषेक २३ डिसेंबरच्या संध्याकाळी बाजारात गेला होता आणि परतला नाही. त्याने असा दावाही केला की दुसऱ्या दिवशी सकाळी अभिषेकने फोनवर सांगितले होते की तो जमालपुरमध्ये आहे आणि दुपारपर्यंत घरी येईल, पण त्यानंतर त्याचा फोन बंद झाला. संतोषने पुढचे दोन दिवस रडारड आणि मीडिया समोर इंटर्व्ह्यू देऊन नाटक केले, जेणेकरून कोणाला त्याच्यावर संशय येऊ नये.
बिहारमध्ये नातेसंबंधांतील भयावह चित्र
पण एका दिवशी गोणित सापडलेले डोके आणि पाय नसलेल्या मृतदेहाने पोलिसांना चक्रावून टाकले. पोलिसांनी तांत्रिक पाळत आणि गुप्त माहितीच्या आधारे तपास सुरू केला, तेव्हा संशयाची सूई अभिषेकच्या मित्रांवर – राधे कुमार आणि रितिक उर्फ रितेश यांच्यावर गेली. शुक्रवारी रात्री पोलिसांनी या दोघांना ताब्यात घेऊन चौकशी केली, त्यानंतर जे सत्य समोर आले त्याने पोलिसांच्या पायाखालची जमीनच सरकली. आरोपींच्या सांगण्यावरून पोलिसांनी राघवपुर-शाहपुर पूलाजवळून एक प्लास्टिकचे पोते हस्तगत केले. पोत्यात अभिषेकचे धड सापडले, जे माती आणि वाळूने भरलेले होते. त्याचे दोन्ही हात बांधलेले होते, पण डोके आणि दोन्ही पाय गायब होते.
अवैध संबंध आणि ब्लॅकमेलिंगचा खूनी खेळ
भागलपुरच्या सिटी एसपी शुभांक मिश्रा यांच्या मते, या भयानक खुनाचा मास्टरमाइंड सख्खा मामा संतोष कुमारच होता. तपासात उघड झाले की, संतोषचे एका महिलेशी अवैध संबंध होता, त्याची माहिती अभिषेकला मिळाली होती. अभिषेक या गोष्टीवरून मामाला ब्लॅकमेल करत होता आणि त्याच्या पत्नीला सगळे सांगण्याची धमकी देत होता. याशिवाय, दोघे मिळून सायबर फ्रॉडचा काळा धंदा चालवत होते, ज्यात पैशांच्या वाटणीत बराच काळ वाद चालू होता. सूत्रांच्या मते, दोघे एकाच महिलेशी संपर्कात होते, ज्यामुळे त्यांच्यातील तणाव आणखी वाढला होता.
