Python Viral Video : धावाधाव अन् पळापळ; भलामोठा अजगर अचानक कारमध्ये घुसला, पुढे नेमकं काय घडलं?

राजस्थानच्या उदयपूर शहरात एक खळबळ घटना उघडकीस आली आहे. शहरात एका कारमध्ये भलामोठा अजगर घुसल्याची घटना घडली आहे. या घटनेने परिसरात एकच भीतीचं वातावरण पसरलं. कारच्या आजूबाजूला असलेल्या लोकांचा गोंधळ उडाल्यानंतर एकच गर्दी झाली. अनेक जण कारपासून लांब उभे राहिले. लोकवस्तीत सायंकाळच्या सुमारास ही घटना घडली. भलामोठा हा अजगर थेट रस्त्यात उभ्या असलेल्या कारमध्ये घुसल्याने अनेकांची पळापळ झाली.

लोकांच्या समोर अजगर कारच्या इंजिनमध्ये घुसला. पुढे इंजिनमधून बोनेटपर्यंत पोहोचला. या अजगराला पाहून कारजवळील लोकांमध्ये एकच खळबळ उडाली होती. अनेकांना कारमध्ये घुसलेला अजगर बाहेर कसा काढायचा, हा प्रश्न पडला. हा अजगर 10 फुटाचा असल्याचे सांगण्यात येत आहे. अजगर कारमध्ये घुसल्याने स्थानिक नागरिक आणि लहान मुलांमध्ये भीतीचं वातावरण पसरलं.

कारचे बोनेट उघडलं, अन्…

अजगर कारमध्ये घुसल्यानंतर कोणतीही विपरीत घटना घडण्याआधी स्थानिकांनी सर्पमित्राला माहिती दिली. स्थानिकांनी सर्पमित्र राजेंद्र श्रीमाली यांना फोन करून माहिती दिली. या घटनेची माहिती मिळताच राजेंद्र श्रीमाली हे टीम आणि रेस्क्यू साहित्यासह घटनास्थळी पोहोचले. सर्पमित्राने हळूवार पद्धतीने आणि सावधपणे कारच्या बोनेटमधून रेस्क्यू प्रक्रिया सुरू केली. सर्पमित्र राजेंद्र श्रीमाली यांनी कारचे बोनेट उघडलं. त्यानंतर अजगर बाहेर काढण्यास सुरुवात केली. त्यावेळी अजगर हा इंजिन आणि बोनेटमध्ये होता. या अजगराला सावधपणे कारमधून बाहेर काढण्यात आलं. त्यानंतर एका सुरक्षित बॅगेत ठेवलं. अजगराला रेस्क्यू केल्यानंतर लोकवस्तीपासून दूर जंगलात सोडण्यात आलं.

भलामोठा अजगर लपला कारमध्ये 

भल्यामोठ्या अजगराला जंगलात सोडल्यानंतर स्थानिकांनी सुटकेचा निश्वास सोडला. हा अजगर 10 मिनिटांपासून कारमध्ये लपला होता. परंतु या अजगराला (Python) बोनेटमधूनही सुरक्षितरित्या सर्पमित्र राजेंद्र यांनी काढलं. त्यामुळे नागरिकांनी सर्पमित्र राजेंद्र यांचे आभार मानले. अजगराला कोणत्याही प्रकारची इजा न होता, कारमधून बाहेर काढलं. त्यानंतर लोकवस्तीपासून दूर असलेल्या जंगलात सोडलं. त्यामुळे स्थानिक नागरिक आणि लहान मुलांच्या मनातील साप, अजगराची दहशत कमी झाली.