जग आता कोरोनापेक्षाही खरतनाक आजाराच्या विळख्यात, पुन्हा लॉकडाऊन लागणार? चिंता वाढली

काही वर्षांपूर्वी कोरोनाने संपूर्ण जगभरात खळबळ उडून दिली होती. कोरोनाच्या लाटेमध्ये अनेकांचा मृत्यू झाला. संपूर्ण जगभरात हाहाकरा उडाला होता. कोरोना काळात संपूर्ण जग ठप्प झालं होतं. जगातील जवळपास सर्वच देशांमध्ये लॉकडाऊन लावण्यात आलं होतं. या लॉकडाऊनचा अर्थव्यवस्थेला मोठा फटका बसला. दरम्यान आता पुन्हा एकदा एक चिंता वाढवणारी बातमी समोर आली आहे. ती म्हणजे सध्या हंता व्हायरसचा प्रादुर्भाव वाढला आहे. या वर्षी एप्रिल महिन्यात अर्जेंटीनामधून रवाना झालेल्या एका क्रूजवर पहिल्यांदा या आजाराचे रुग्ण आढळून आले होते. या क्रूजमधून 108 जण प्रवास करत होते, त्यातील 8 जणांना या आजाराची लागण झाली होती, त्यातील तिंघाचा मृत्यू झाला. मृतांमध्ये एका डच कपलचा समावेश होता, तर एक प्रवासी हा जर्मनीचा नागरिक होता.

दरम्यान आता या आजाराचा प्रादुर्भाव वाढत असल्याने पुन्हा एकदा लॉकडाऊन लागणार का? अशी भीती अनेकांच्या मनात निर्माण झाली आहे. मात्र जागतिक आरोग्य संघटनेच्या तज्ज्ञांनुसार सध्या सधी घाबरण्यासारखी कोणतीही परिस्थिती नाहीये. सध्या तरी या आजाराचा फार प्रादुर्भाव झालेला नाही. मात्र ध्रुवीय प्रदेश किंवा इतर देशांसाठी तुम्ही क्रूज बुक करत असाल तर काळजी घ्यावी असं आवाहान जागतिक आरोग्य संघटनेच्या तज्ज्ञांकडून करण्यात आलं आहे.

आजारांपासून बचाव कसा करायचा?

जागतिक आरोग्य संघटनेच्या तज्ज्ञांनुसार जर तुम्ही अशा देशांमध्ये फिरण्यासाठी जाणार असाल ज्या देशांमध्ये या आजाराचा प्रादुर्भाव वाढला आहे, तर सध्या तरी अशा देशांमध्ये जाऊ नका. जर समजा तुम्ही अशा देशांना भेट दिलीच तर अशा भागांमध्ये जाणं टाळा ज्या प्रदेशामध्ये या आजाराचा धोका जास्त आहे. प्रवासादरम्यान स्वच्छतेची विशेष काळजी घ्या.

हंताचा प्रसार कसा होतो?

हंता व्हायरसचा प्रसार हा उंदराच्या मल-मुत्राद्वारे होते. गेल्यावर्षी याच आजारामुळे प्रसिद्ध अभिनेता जीन हॅकमॅन याच्या बायकोचं निधन झालं होतं. सध्या तरी या आजारावर कुठलीही लस किंवा उपचार उपलब्ध नाहीयेत, त्यावर तज्ज्ञांचं संशोधन सुरू आहे. अशी माहिती देखील या संदर्भात जागतिक आरोग्य संघटनेकडून देण्यात आली आहे.